周柏豪自称男人30怕食莓　菊梓乔天真插嘴：会前列腺敏感

“星梦一姐”菊梓乔（Hana）孖住“星梦一哥”周柏豪作客节目《今晚跨年再请客》，提到最擅长嘅菜式，菊梓乔表示可以喺几分钟就可以煮出一个full set早餐:“有多士、有面或者饭，不过有少少系前晚整定，同埋一定要有咖啡。几分钟，已经练成。”估唔到呢位一姐又几幽默㖞。

之后，一姐炮制“鸭肝伴以焦糖杂莓酱”大显身手，喺煎鸭肝时，特意用银针检测温度。不过，佢将银针刺入鸭肝后，再放到手腕上，呢个举动就吓到在旁嘅陈敏之即时大叫，并谓：“好惊，佢咁嚟试温度。”之后菊梓乔仲笑笑话自己“用生命嚟煮嘢食，不过今日系值得嘅”，又话“如果好热呢度（手腕）有纹身(疤狼)”，周柏豪闻言后，都忍唔住话“咁你即系由细到大煮嘢食都系生? 无疤。”

煎完鸭肝，轮到酱汁，周柏豪就提到之前睇医生时，对方提议佢唔好食莓类食物，原因系“佢话30多岁嘅男人，如果开始饮得少水或者去得少厕所，吃莓嘅嘢……”此时菊梓乔插嘴表示：“唔系肾上腺，而系前列腺，会前列腺敏感。”此言一出，在场嘅两位男士即时失笑，黎诺懿仲问：“前列腺会敏感？点敏感法？我想听㖞！”自知讲错嘢，菊梓乔唯有专心烹煮酱汁，但当佢听到周柏豪提到“食得太多会结晶、会有肾石”时，即时表现得十分好奇，仲问”结咩晶？”系啰，咩晶呢？黎诺懿在旁提点：“crystallized”

煮完“鸭肝伴焦糖杂莓酱”，一姐话再整多个“酥皮中式佛跳墙”，喺佢预备块酥皮时，周柏豪提到“蛋挞如果酥皮同曲奇皮，我一定系曲奇皮。”一姐闻言之后表示：“吓？我食牛油皮架㖞。”全场静咗一秒，然后黎诺懿细细声咁话：“牛油皮咪即系曲奇皮。”周柏豪顺势表示：“如果唔识真系比佢抛一抛。” 一姐都系专心做“最受欢迎女歌星”啦。

点击下图睇一姐厨艺

同场加影：菊梓乔妹妹拍片进军KOL界　样貌反似另一位实力靓女歌手？