到此一游｜陈婉衡胸前夹mic方法成热话：以为件衫会遮到

加拿大回流返港参加2012年香港小姐而入行嘅陈婉衡（Alycia），签约TVB后一直以主持工作为主，《3日2夜》、《Go! Yama Girl》都令人印象深刻。最近播出嘅TVB旅游节目《到此一游》，Alycia带观众回到成长地温哥华，地胆介绍当地吃喝玩乐好去处。

节目播出后讨论区掀起热烈讨论，唔系大家太想旅行倾景点，而系佢胸前嘅神秘黑点。身穿灰色背心出镜嘅Alycia，专业地介绍当地景点特色，但观众见到佢胸前背心内摄住黑色点，原来系无线咪，大呼神乎奇技﹗

Alycia接受《香港01》话：“节目其实19年夏天拍摄，𠮶阵我返去温哥华出席朋友婚礼，公司叫我横掂返去不如拍埋节目，所以介绍嘅真系我以前细个去嘅地方，好开心。至于支咪摄入衫其实系个意外，拍摄时摄制队唯一一个咪夹唔见咗。平时做娱乐新闻出去访问可以手拎住，但拍旅游节目就唔方便，加上时间紧逼要趁日光拍摄先出此下策，我本身以为衫会遮到支收音咪，播出睇番都觉得尴尬！”