专访｜姜涛直认“啲人系咪都闹咗先”︰一定会有少少唔开心

网上有某些人会以“不认识某某歌手”为荣一样，借以讽刺他们人气低，没有人认识。不过，经过刚过去的《叱咤乐坛流行榜颁奖典礼》后，组合MIRROR，特别是成员姜涛，在网上得到了铺天盖地的讨论和关注，相信大家都不会不认识他们，至少你会记得姜涛得奖时的“O嘴样”。
MIRROR得到了“叱咤乐坛组合”铜奖，歌曲《IGNITED》又得到“叱咤十大”歌曲奖，而姜涛也得到两个“我最喜爱”奖项，风头强劲。心情平复过后，姜涛直言︰“我觉得最开心嘅就系起码有人关注我哋。”而队长Lokman（杨乐文）也觉得︰“起码都因为咁样而认识我哋啊，咁都系一件好事啊！”
撰文：李婉文
摄影：梁碧玲
短片︰叶志明
剪接︰黄卓敏
服装：initial Fashion

只有21岁的姜涛入行年资尚浅，但粉丝就威力强劲，一人一票令他成为“我最喜爱的男歌手”，他重谈当时所想︰“当下嘅感受一定系惊多过开心，我都知（我攞）呢个奖个争议性会好大，不过过咗呢件事之后就觉得，既然大家畀咗呢个奖我，我哋呢班人嘅话，就做好啲作品，回报畀大家。”对于网上引来的回响，他也是始料不及的︰“真系到第二日先知，原来大家都对呢件事讨论度咁高，不过开心大家参与呢个讨论，好嘅唔好嘅，都好开心，因为我觉得最开心嘅就系起码有人关注我哋，好唔好其实由出道到而家，都有好多人一直讲，所以冇乜所谓。”虽然有正评也有负评，但看来他也习惯了如何调节心理。而他关心的原来反而是希望可以做好作品，令自己有进步，从而保护粉丝免受网民攻击。

姜涛成为两项“我最喜爱大奖”的最年轻得主，他直言得奖后，压力也大了︰“当然会多咗压力，不过其实由出道到而家都有各种唔同嘅压力，所以多一份压力都唔紧要。”也是一贯的看得开和谦虚，或许就是令他成为“人气王”的原因。对于乐迷比较难接受新人，又或者很多时会“系咪都闹咗先”，姜涛表示认同有这股风气︰“当然当然（有），但我觉得真实嘅情绪一定会有少少唔开心，但系老实地讲就系，都要唔好去谂其他人点解咁样，我觉得谂吓自己有咩做得唔好嘅地方，先至导致到大家咁样谂。”被问到会否觉得本地乐坛或者乐迷够难接受新人，姜涛笑言︰“唔系啊，我哋Fans接受！”但他明言如果希望得到更多人的喜爱，就只好再努力。

点击下图重温姜涛“O嘴”一刻和他在IG的得奖感言︰

得奖后，网上经常有人会拿巨星张国荣，又或者之前得到“我最喜爱的男歌手”的古天乐来跟姜涛比较，对于这些评论，姜涛坦言觉得没有可比性，“因为的确系唔同一个Level。希望大家可以多返少少嘅关注，对而家，以前嘅音乐又好，音乐人又好，艺人都好，一定系比而家嘅我系优秀好多好多，但系我哋都系以佢哋为目标去努力。”被问到会否觉得不公平？他表示没有这样想，“因为其实呢个世界上有太多比我哋劲嘅人，所以去同劲嘅人比较，其实都系我哋努力嘅动力。”个人成绩好，会否考虑跳出MIRROR发展，他立即强调不会，“我谂我呢一世都唔会去谂呢件事，因为呢个状态系我好钟意嘅状态。”他觉得有自己Solo是幸运的一件事，但有一个团体撑住大家，是更幸运的事。

立即参加挑战：【饥馑30】与饥馑之星 同助孩子面对天灾与饥饿

队友Anson Kong（江𤒹生）在颁奖礼当日失落新人奖，被指“黑面”，两位好兄弟都为他护航，姜涛笑说︰“皮肤都好黑㗎佢！”Lokman附和道︰“佢皮肤黑，所以黑面系正常，佢本身系黑色。”之后Lokman转为认真地说︰“我觉得犀利嘅，戴住口罩都可以睇到一个人黑面。我觉得因为佢都尽力咗成年，大家都见证住佢呢一年有几咁勤力，佢好想攞系真嘅，到佢期望太大，佢对自己嘅失望亦都相对地大啦，人之常情啫。好过佢真系笑面迎人，但系其实可能内心又唔知讲紧啲乜嘢，有反差。”更指︰“如果佢真系黑面，咁起码佢有勇气黑面畀大家睇啊，如果系的话。”姜涛就表示︰“我觉得喺我心目中，佢哋三个无论边个都好，都有资格去攞呢个奖，所以其实大家要做嘅都做晒，都尽晒力，而作品嘅回应都好好，所以攞唔到嘅话，其实都系，可能黑面系纯粹系对自己嘅一种失落啩。”

事后Anson Kong在网上发表感想，却再惹来批评，指他一句“Come on hater。唔好意思，你地打我唔死”太串，虽然事后已删掉了这句，但似乎也未能令网民满意。Lokman觉得他的发文是他的一种抒发，“可能佢勇于攞自己入面最坦白𠮶样嘢出嚟同大家分享，其实我谂都冇乜人肯会咁样挖到自己最赤裸𠮶样嘢畀你睇㗎嘛，我觉得每个人嘅意见都唔同嘅，所以都冇办法，任佢哋讲啰唯有。”关于“Come on hater”一句，姜涛为队友解释︰“佢嘅性格就系比较直来直去，所以其实都系觉得大家要讲，佢都唔会去惊，因为佢系我哋呢度做咩都最大胆，除咗畏高之外。”Lokman补充︰“同埋我觉得呢个都系AK得人钟意嘅地方，佢真系好直，佢真系唔会点样去掩饰。”姜涛也大爆平时的Anson Kong︰“我哋以前私底下，团队闹交，佢都话‘嚟啊嚟啊，闹啊’咁样，佢都唔惊。（Lokman︰冲动派佢系）”

点击下图看当日Anson Kong的反应和回应︰

叱咤2020︱Anson Kong江𤒹生回应失奖黑面事件：等了28年有点失望

最后，问到他们有没有说话跟网上某些表示“不认识MIRROR”，或者给他们负评的人说，Lokman想了一想，讲道︰“唔识我哋，我觉得都唔出奇嘅，阿姜呢排都成日讲话，佢哋话唔识，咁起码佢哋唔识都谂住会去识啊，同埋可能好多人都觉得佢攞咗呢两个我最喜爱，好似公信力（说服力）唔系好够，但系起码都有人知道咗阿姜，然之后再揾吓佢系边个，然之后再揾吓我哋系边个，起码都因为咁样而认识我哋啊，咁都系一件好事啊。”

事实上，从《全民造星》第一季到现在，看到整队MIRROR的成长，看到他们无论在跳唱、抑或是访问对答的进步，特别是姜涛从以往访问一句起两句止，到现在尝试多说一点感受，也是令人感觉到他们的改变。经常有人说“乐坛已死”，但实际上又有没有新人一个机会，又或者有没有尝试Google一下他们的作品呢？姜涛和MIRROR在颁奖礼的突围而出，至少可以给大家反思，是否应该多点鼓励少点批评呢？

点击下图看更多专访照片︰

重点MIRROR更多靓相︰

同场加映︰你不知道的姜涛｜参与内地选秀节目　自称“处男”曾是超级大肥仔