专访︱陈卓贤Ian感情路上曾遭背叛 姜涛暗示入行曾遇心仪对象？
大概每位女生都曾幻想过跟心爱的偶像拍拖，就如浪漫的电视情节一样，你在某次的活动中被推跌，“他”在茫茫人海中将你扶起，继而展开一段充满粉红泡泡的恋情。同样地，你们的偶像都会幻想假如有一天拍拖，情况又会是如何？不同的是，他们所背负的压力、注目比一般人多，加上排山倒海的工作，要投入一段关系又谈何容易呢？
姜涛和陈卓贤（Ian）是万千少女心中的白马王子，最近他们不约而同推出风格完全相反的情歌。姜涛的《爱情签证申请》讲述作为万人迷的他遇到梦想中的完美女孩，纵然明知这段爱情没有结果，他还是想尽办法希望捉紧一切。经历过爱情的甜蜜，Ian的《背伴》就会告诉你爱情世界的现实以及残酷，当“专一”变成不正常行为，你还相信爱情吗？两首歌曲反映两位男孩不同的爱情观，就让姜涛、Ian带你走入属于他们的爱情世界。
撰文：陈芷颖
摄影：梁碧玲
服装：Y's
场地：FWD HOUSE 1881
发型：Lydia Yung & Denny Ku@ Chic Private I Salon
化妆：Circle Chong &Tifa @Annie G Chan makeup centre
花姐不反对拍拖 姜涛反而顾虑：冇胆量、冇时间
“拍拖”对你和我来说可能是正常不过的事情，但对于生活在镁光灯下、一举手一投足都轻易成为焦点的艺人来说，拍拖却变得困难重重。不同的顾虑加上要面对的舆论压力，令万人迷姜涛不敢轻易展开一段恋情，他亦只好将感受埋藏于新歌《爱情签证申请》中：“代入返自己嘅角色，系一直以嚟嘅谂法。如果我拍拖应该要避嚟避去、顾忌好多。任性啲想拍就一定可以拍，但入咗行身上好多负担，每识一位异性，就算系朋友都会顾虑好多，身边嘅人会点睇、点对呢位异性都要顾虑。拍拖，一嚟冇时间，二嚟冇咁嘅胆量。”同样深受万千少女爱戴的Ian点头认同：“出街好多人认得，好多避忌，有难处。”
随着时代的变迁，虽然大多的粉丝都不介意自己的偶像谈恋爱，但身为众多少女们心中的白马王子，姜涛和Ian拍拖又难免会破坏她们的憧憬，甚至会出现“脱粉”等等的极端情况。不过姜涛就对“姜糖”（姜涛粉丝名称）非常有信心，直言“姜糖”经常叫自己去拍拖，更会支持他做的每一个决定：“我对Fans有信心，支持我哋嘅Fans睇住我哋大，无论做啲咩都会支持。好多Fans话如果有合适嘅女仔，都叫我快啲去拍拖。不过唔可以因为自己钟意，就去开始一段恋情，因为背负住好多好多嘅嘢。（公司有冇畀压力？）花姐唔系好反对，佢希望我哋好自律，不嬲好信任我哋，都唔会辜负佢对我哋嘅信任。”
Ian相信一见钟情：我冇经历过日久生情
姜涛和Ian入行两年一直未有公布恋情，记者就好奇在五光十色的娱乐圈中，他们又有否曾遇心仪对象呢？姜涛虽然没有明确表示，不过就指遇到喜欢的人时会抑压自己的情感：“好多时见到我钟意嘅，我都会㩒住自己，唔会真系好钟意好钟意一个人。一但对一个人有好感，我就会同自己讲‘考虑清楚’，呢啲留返拍MV幻想过下瘾算。冇时间，考车牌都冇时间。”Ian则指缘份未到。
的确爱情是讲缘份，在对的时间遇上对的人，感觉往往就在那一秒间产生。两位大男孩相信缘份，同样相信一见钟情。Ian说未经历过日久生情，过往的恋爱经验中大多几个月就正式开始一段关系：“相信一见钟情，要发展做情侣好取决于一见𠮶下系咪有好感。根据过往经验，本身身边唔多女性朋友，我冇经历过日久生情，大部分都系First Impression，见到好有好感，算系一见钟情，可能几个月就一齐。”而姜涛既相信一见钟情，又相信日久生情：“一见钟情同日久生情都有可能，有啲人一见就知一世都冇可能做到另一半。一见钟情第一眼就要有好感，但唔会谂咁多，相处得耐咗先会产生日久生情，希望对方成为自己的另一半，所以两样嘢唔冲突。”
谈到二人的理想型，姜涛说没有特定的外在条件，不过就赞《爱情签证申请》MV女主角林思廷外型合适：“冇概括过理想型系点，我以前钟意嘅女仔都同我想像中唔一样。MV个女仔好适合做女主角，佢感觉好纯真、好需要保护，好多硬件条件都适合，身高合适、眼大大又得意。”身旁的Ian随即追问：“即系钟意眼大大得意？”姜涛笑逐颜开回应：“又未必，都要睇相处。”Ian坦言相处舒服比外型更重要：“睇相处，两个人长时间要相处要舒服。”姜涛立即和应：“佢眼大大，但系心地唔好都冇用。”
感情路上曾遭背叛狠心分手 Ian：当你决定咁做，就已经系终结
爱情可以令人飘飘然，忘掉世间所有的烦扰，同样它可以令人痛不欲生。当你发现另一伴背叛、出轨时，你会选择哑忍原谅还是狠心分手？Ian在感情路上曾遭背叛，他将亲身经历写进新歌《背伴》中：“有亲身经历，亦都听好多朋友分享嘅故事，有少少改变对爱情嘅睇法，背叛、出轨变到好习以为常，专一地对另一半好似系比较不正常嘅行为。”
与歌曲主角不同，比起哑忍Ian会毫不留情地结束这段关系：“拍拖，另一方背叛，可能有出轨行为，取决于大家点处理，心中一定有条刺。好多人会自欺欺人，觉得吞咗去，之后相处会有好结果。但系我绝对唔系呢一种，呢个唔系感情路上嘅一个问题，当你决定咗咁做，就已经系感情路上嘅一个终结。我应该原谅唔到，当你决定同对方开始就系Commit To呢段关系，专一唔系Option系一个基本。”姜涛认为出轨是会一不离二：“有一就有二，我唔会咁做都希望对方唔会咁做。”
姜涛憧憬童话式恋爱
两位男生在爱情路上各有经历，亦令他们的爱情观大有不同。Ian在过往经历中所受过的伤害令他认清爱情的现实：“听得朋友故事多就会谂系咪唔应该相信爱情，大家好似幻想到好美好，但系大部份人都有背叛行为出现，我睇爱情冇咁童话式、现实少少。”相反，恋爱经验尚浅的姜涛却憧憬童话式的爱情，更笑言退休之日就是恋爱之时：“我童话啲，好期待爱情喺我将来生命发生，我会好好捉住呢个童话。就算佢唔系童话，我都好想营造一个童话爱情。睇缘份，可能一阵就会有一个‘Wow就系你喇！’但我决定咗几时退休，退休之日就系我恋爱之日。”
点撃睇大量姜涛和Ian专访靓仔相：