罗家英重谈“达闻西”一角　初次同周星驰合作有不满︰搞乜嘢啊？

曾担任亚视担任副总裁、现已转职为亚洲心动娱乐（AMM）香港区副总裁的林文龙，早前与电玩达人林慧韡（达哥）拍摄网台麻将节目《今晚有牌打》，早前节目直播请到杨玉梅和罗家英一齐打牌，中途聊天时，家英哥大爆当年跟周星驰合作的趣事。

家英哥在90年代参与周星驰电影系列演出广为人熟悉，经典作品有《国产凌凌漆》中的“达闻西”一角、和周星驰的《西游记第壹佰零壹回之月光宝盒》和《西游记大结局之仙履奇缘》演的“唐僧”，令人非常深刻。由于家英哥这次打牌赢到的钱会捐去东华三院，他唱出唐僧的经典歌《Only You》叫大家捐款。达哥问到家英哥如何看“达闻西”一角，他说︰“最初第一次同周星驰、李力持合作，两个个名好大啦，巴闭啦，真系巴闭㗎𠮶时。我哋呢啲𡃁仔去到，缩埋一二角㗎啫，去到元朗拍，10点钟到，一路坐到5点钟先拍到我。剧本畀我，我谂住科学家梗系着件西装，都型型哋啊。唔系！着件笠衫、短裤、拖鞋，咁我系一万个唔系几‘likey’。（达哥︰唔系咁想做嘅开头？）唔系唔想做，系（心谂）‘搞乜嘢啊？’科学家应该型啲。”

点击下图重温︰

不过，家英哥还是照做了，他表示︰“算啦算啦，啱啱出嚟做，啱啱踏入电影行业，（拍咗）4、5套戏之内㗎啫，好新，新人嚟，咁咪照做啰！”当时要讲一句“力拔山兮气盖世”，但怎样出场，用什么腔调讲，就是家英哥自己发挥，于是他用粤剧台步出场，提着两袋菜行出来。家英哥即场示范当时的语气讲道︰“‘力拔山兮气盖世’，（心谂）你仲唔死周星驰？睇你点答我！佢又厉害㖞，佢又︰‘时不利兮骓不逝’，佢又用咗我嘅语调去讲㖞，因为大家冇排过㗎嘛。（达哥︰冇预先倾过嘅？）冇㗎，即嚟㗎。厉害！你点嚟我点答，呢啲咪高手啰！”出到来的效果都得到观众喜爱。而有关《西游记》系列的唐僧，杨玉梅爆家英哥后来曾拒绝再演唐三藏，家英哥解释：“因为老咗，我演唐三藏时已经50岁，再演就60岁，唔睇得，因为唐僧好靓仔，内地大把靓仔，我亦未必做得返，所以唔做喇！”

点击下图重温精彩画面︰

至于杨玉梅都曾跟周星驰合作，当时她还未正式入行，是特约演员。剧情讲到她只是路人，周星驰捉住她认做旧女友，她说：“星爷好突发性，导演冇同我讲，点知突然间咀我，锡完之后我好突然，因为剧情本身冇，导演冇讲，佢自己加戏，事前都冇通知我。”

点击下图睇家英哥同阿姐行山嘅靓相：

同场加映︰多图｜庄韵澄一脸幸福晒孕肚　得天独厚肥胎唔肥人网民赞Fit