全民造星III｜毛舜筠认忠实粉丝　唔忍心畀尖锐评论：坐低已想喊

《全民造星III》总决赛于周六（26日）在九展Star Hall举行，经过三轮比赛后，最终由Ben（赵祥诚）夺得冠军，陈苇璇夺得亚军、Anson Bean（陈毅燊）夺得季军。今晚邀得毛舜筠（毛姐）、邓丽欣（Stephy）、王菀之（Ivana）担任评判，毛姐更坦言由第一季起已经是《造星》的忠实粉丝：“好似睇紧一套连续剧，我有份参加结局演出，觉得好兴奋，好享受！”

评判们来之前已经各有心水，毛姐表示很喜欢Anson Bean：“我觉得佢就系一粒星！特别系第三轮嘅表演100分！”Stephy来之前最期待Ben的折骨舞：“电视睇咗好多次，但系现场咁近距离睇系好震撼！”Ivana则看重现场表现：“其实三甲嘅分数都好接近。”

总决赛由直播形式播出，第三轮比赛每位参赛者表演完毕后，主持强尼都会着评判给予评语，不过网上观众就怨声载道，认为评判评语“有赞冇弹”欠缺建设性，三位评判均表示现场要执生十分有难度，Stephy说：“我觉得最难系Dance Battle，又要望又要写。” Ivana补充道：“其实我哋写咗好多嘢，仲思考紧嘅时候，突然之间被问都唔知从何讲起。”

毛姐表示来之前有朋友建议她的评语要尖锐一点，一路见证著他们进步的毛姐就觉得于心不忍：“唔系喺呢个时候讲一啲好负面嘅评语，反而讲好欣赏佢哋呢几个月来嘅蜕变，其实我好感动，坐低嘅时候已经有少少想喊，好似睇住佢哋出人头地，好替佢哋开心。”