蔡思贝陈滢六人组闺密团“SÏXTERS”　庆幸陪对方行过高山低谷

娱乐圈好多人觉得好复杂，明争暗斗个个系竞争对手，但其实都有唔少真心好友。蔡思贝、陈滢、赖慰玲、陈嘉宝、Cheronna（吴嘉熙）同何雁诗相识多年，感情要好，之前齐齐做何雁诗婚礼姐妹团，呢日佢地正式宣布组成女团：“SÏXTERS”

佢哋分别喺IG贴出一组冬日圣诞造型照，陈嘉宝留言分享：“大家好！我哋系: SÏXTERS ! 祝大家Merry Christmas ! ”(女团登台tone)好多人话喺呢一行识到真心朋友唔容易，就算识到，最难其实系维系。感恩我哋其实分别都识咗好多年，依然可以维系到呢一份感情。虽然天父爸爸造我哋真系好唔一样，不论性格特质同人生经历都好唔同，但庆幸我哋依然可以一齐陪对方行过高山低谷...…大家系好想大家好，好想大家一齐幸福，甚至乎完全唔理自己利益，只系一心想帮对方行得更好更远...…我爱你、陪你、撑你，唔系因为你做咗啲咩，而系因为你就系你。We just love the way who each other are.今个圣诞祝大家都能够揾到可以一齐撑住、一齐行、一齐进步同幸福嘅好伴侣。#系Ï，唔系I #能唱能跳又能演 #睇行打得又煮得 #加埋一齐呀我讲紧”