踩过界2│监制林志华专访：识做戏嘅演员只会问一个问题

《踩过界II》《反黑路人甲》监制林志华在无线工作了三十年，自言继续工作的其中一个原因是“多嘢讲”他说：“我好钟意讲嘢，我喺中大读Science，对住只死老鼠都有嘢讲，点解你条血管系咁呢?做呢行有个特质，就系好钟意将自己谂到嘅嘢讲俾人听。”

不单止“讲嘢”，林志华亦钟意“睇嘢”，美剧他追得贴，但强调要看得“精”，他说：“成日同啲导演讲，睇剧同女人化妆一样，less is more，睇最好嘅、吸收佢，亦睇最衰嘅，唔好学佢；睇得太多影响自己决择。”

做监制要想“讲”识“睇”，至于演员，林志华觉得最重要是懂得“问”:“一个演员识唔识做戏，其实睇佢问咩问题就知，佢唔系问我呢套剧我有几多对白、对手边个?我占几多场戏?而系问我点解呢个角色咁讲嘢嘅?佢成长背景系乜?佢系问点演绎角色，如果佢识得问关于演戏嘅问题，呢个演员唔会差得去边。”

港剧要有自己特色 要放低‘攀附’

手机煲剧的年代，观众很容易将TVB剧与美剧、韩剧、内地剧比较，监制林志华明白观众残酷，但他觉得创作人要放得开，人家一些独有资源，恨来没用，受欢迎的题材，硬套落港剧亦不适合，他说：“两个词语‘比较’同‘攀附’系要摆低，你攞自己古装剧同内地比较，内地人由细到大浸淫住呢啲文化，生活喺呢啲山山水水入面，就算讲出嚟嘅对白文绉绉，都系佢哋先得，我地讲出嚟会打冷震，呢啲唔系我哋嘅特色亦系人家嘅强项，或者你攞美剧比较，人哋美剧《24》周街都系特务，佢拍你会信㖞，但你话如果故事背景系香港，观众未必投入㖞，港剧发挥返自己嘅特色，其实全世界都想睇人哋国家嘅文化同特色，你拍到自己嘅特色就会有市场。”

“比较”只会令人疲累

访问中林志华多次强调要放低比较，就算《踩过界》两辑，他觉得最重要是超越自己，他说：“无论我哋生活或工作上，都因为“比较、呢个词语，令自己过得唔开心，以自己个女，游水做例子，我哋同小朋友讲，每一次攞到自己嘅最佳成绩，咁就得架喇，唔需要同隔离比较，点解要参加比赛，就系定个目标俾自己去完成，正如，我哋开新一辑《踩过界》就系谂点样拍好佢，上一辑唔系用嚟比较，只不过用嚟参考，用嚟累积一啲经验，令《踩过界II》做得更好，就唔系我地要好过第一辑。”

经常比较容易产生妒忌，亦可能出现一个迷思，觉得无限资源就可以制造惊世神剧，但林志华觉得资源是另一个问题，但首先要发挥特色：“相对外国我哋呢一刻未有最充足嘅资源，但我哋有自己嘅特色，唔一定要谂，我一定要拍到《Emily in Paris》，我有钱去法国拍外景就一定拍到，我可以话你听唔系啰，就好似《踩过界II》一样，我套剧冇飞天遁地嘅大场面，有嘅系一啲法庭案件点样做到引人入性，令观众共鸣，我谂呢个先系观众钟意嘅原因，正如我地嘅港式奶茶，第二到系饮唔到。”

王浩信系现实版张细伦

每一个监制都有自己的班底，喜欢的演员，林志华近年作品必有王浩信，直接问他:“点解你咁爱王浩信?林志华说：“我同佢之间系无爱架，机缘巧合啫，王浩信佢有样好，就系好主动，譬如《飞虎》，佢本身书生身型，但突然间就好大只，好珍惜呢个演出机会，有啲演员叫佢做飞虎，但成身肥肉，到《EU超时任务》，我自己觉得渠头呢个角色唔难做啦，王浩信主动同我讲，‘不如入去围村住两个礼拜啦。’虽然最后冇，但我都同佢入过去围村，佢又会叫啲围村人教佢点讲嘢，佢真系好钟意演戏，旧年佢开《踩过界II》之前，佢去咗美国几个月读演戏，佢系好钟意投入演戏嘅世界，你地睇返《反黑路人甲》其实𠮶个就系王浩信自己嚟”我数过，林监制用了8分10秒赞王浩信，一定无爱啦，但一定好欣赏。