早霸王｜男听众挽救婚姻讲到喊 前妻即拆穿谎言：唔需要做无谓嘢
撰文： 邝钰莹
出版：更新：
男听众Felix件初同老婆离婚后，有感失去了才珍惜，所以希望藉《早霸王》嘅“你知道唔知道有人挂住你”环节挽救一下。之不过，原来呢位男听众所讲嘅嘢极度有保留，最后被前妻Cathy即时拆穿，仲劝佢“唔需要做埋啲无谓嘢，大家move on啦”……
男听众Felix表示2010年与Cathy相恋，6年后买楼兼结婚，他说：“不过可能我太幸福，所以唔识捉紧”森美闻言后，即时表示：“呢个唔关幸福事，你好明确系做错嘢，系未有第二个?”Felix话自己去年与女同事太过密切、暧昧，又强调与对方比较好倾，但从来无谂过喺埋一齐。问到二人暧昧到咩程度时，Felix表示：“拖手，比人影到相。”森美就话：“咁唔系暧昧㖞，你系有嘢。”
强调与女同事只系暧昧嘅Felix仲话老婆好决绝，今年初签纸离婚，讲讲下仲喊埋：“大家都认为分开下会好啲，可能佢已经习惯无咗我，但我唔想……”又话离婚后，有尝试挽救，例如喺对方屋企楼下挂上道歉横额等等，无奈对方态度十分决绝。
电话接通Cathy后，佢表示估到边个会致电节目，并谓：“女人死咗心就系死咗心。”Cathy直指前夫大话一个接一个：“佢一开始话想自己去旅行，被同事踢爆原来系与女同事同行，我折穿佢先肯认，我有比机会佢，但佢唔肯断缆。”Cathy有感Felix完全唔知错，觉得对方无得救，所以才决定离婚，最后她更说：“佢呢排系有揾我，但我想同佢讲唔需要做埋无谓嘢，大家move on啦”
同场加影：刘颖旋1.76米都未算最高 盘点无线高妹花旦边个先系冠军？
点击睇刘颖旋同陈晓华靓相靓相：
+4
+3