男排女将︱顾定轩特训晒肌肉　带病拍摄：尿道炎做侧滚痛到标眼泪

热血青春题材一向受观众欢迎，一班年轻人同心协力打比赛令人想起那些年。ViuTV原创剧集《男排女将》播出至今口碑不俗，踏入结局周剧情愈趋紧凑。男主角之一的顾定轩喺网上分享开拍前操练情况，仲自爆带病忍痛拍摄：“无啦啦尿道炎每次做侧滚痛到标眼泪都要忍住。”

即投“01最赏睇娱乐大奖”兼答简单问题，被选中内容最精彩、令人印象深刻及令人产生共鸣的答案，就有机会赢最新5G手机12 Pro，按此即投赢巨奖！

顾定轩喺IG贴出开拍前特训成果话：“男排拍摄前想准备个更好嘅体型，高度改变唔到，就希望可以厚重啲去呈现一个比较沉稳嘅”King”，所以进行训练，每星期无间断再穿插排球特训，亦慢慢见成绩。不过，就喺开拍前两个礼拜，一个肠胃炎，中医西医睇匀，屙呕足十四日，前功尽废。最后睇专科话：‘压力太大。’唉，而今次嘅教训，仲大。但自己谂返，其实都几热血嘅。”佢又贴出几张受伤照Hashtag透露自己带伤上阵：“#有次救波下巴落地肿左（咗）成个月 #又无啦啦尿道炎每次做侧滚痛到标眼泪都要忍住 #真系有血有汗 #最后五集啦 #唔系唔睇啊”

点撃睇《男排女将》剧照：