使徒行者3｜林景程首次挑战演黑社会　一年出7套剧：鼓励好重要

TVB台庆剧《使徒行者3》云集多位一线演员，亦有不少配角表现出色，当中饰演庞浩洋（张振朗饰）手下阿King的林景程，近期更一连在三套剧《使徒行者3》、《踩过界II》及《香港爱情故事》中以黑社会、大律师、地产经纪三个身份登场，曝光率超高！

“01最赏睇娱乐大奖”即日起至12月23日接受投票喇，答埋简单问题，随时赢最新5G手机12 Pro！

林景程一次过在三套剧中都有演出，但每个角色性格都不同，他接受《香港01》访问时就笑言不担心观众会混淆。其实林景程不但在三线剧中现身，今年更一连有7套剧出街，相当高产，而且每个角色都深受粉丝喜爱，甚有观众缘：“真系好多谢观众会留意到我，我自己演戏好多时少不免会谂到‘咁做观众钟唔钟意呢’，到最后得到佢哋嘅鼓励同认同真系对我好重要。（觉唔觉得终于发围？）发围又唔觉得，呢一行走得好快，呢啲行云流水咁，转个头就冇咗，所以发唔发到围都唔会睇得好重了。总之而家有角色就尽力演，好好地享受演戏过程。”

林景程过往经常饰演医生、律师等专业人士，但今次他在《使徒行者3》中就挑战演黑社会：“系我第一次演坏人角色，所以好感恩监制同编审都好大赡竟然肯畀我去试，其实对我嚟讲都难嘅，就算而家剧出咗街，每次睇都会谂‘难得做坏人，点解唔再坏啲’，但真系好好经历，希望再有机会演类似角色。”参加歌唱比赛《超级巨声》而入行的林景程，由2012年的《On Call 36小时》开始拍剧，但亦笑言自己目标都是做配角：“主角太遥远，亦唔相信香港嘅电视史上会有一日沦落到要畀我去做主角，所以好多时其实剧中有戏份有角色有得演，唔使一定要做主角我都开心。”

点击下图重温林景程的演出：

虽然林景程一直都是演配角，但无论是《On Call》系列中的明太子、《四个女仔三个BAR》中的齐安居、《三个女人一个“因”》中的白保运、《是咁的，法官阁下》中的布大状，还是《杀手》中的小秉都大获好评，当中小秉惨死的一幕更令人印象深刻：“记得𠮶排出街会有人无啦啦同你讲‘你死得好惨’，真系试过几次都系咁，证明大家都好钟意套剧同好接受小秉。另外《香港爱情故事》嘅地产经纪戏份虽然唔多，但编审写得角色好鲜明，监制同编审又好信任我，唔影响剧情下畀极之大嘅自由度我去加加减减，真系从影以嚟第一次得到呢种信任。”

入行至今11年的林景程，曾经试过连续8个月冇工开，更曾被安排饰演“士兵甲”，他亦坦言曾想过放弃：“唔系唔想再演，系经济问题多，始终拍摄收入唔定，有时觉得几十岁人仲系呢个收入真系搞唔掂。不过谂完就会辛苦啲，瞓少啲做多啲嘢咁啰。（会唔会拣角色？）我自己内心会拣啰，真实边有得拣？公司叫到就要演。不过近年公司都好好，通常都有戏份畀我演，可能我真系变咗老Pat Pat了。”