专访｜王敏奕曾国祥避过七年之痒：我哋一齐咁多年都无淡过
王敏奕 （Venus） 于无线剧集《香港爱情故事》中饰演一位摄影师，并爱上了饰演艺术家的谢东闵，Venus直言现实中的自己跟角色不太一样：“我唔识玩咁多Mind Game，我好直，如果钟意你会好易Feel到，我系一个好多爱嘅人。”
今次拍剧是Venus继2014年的《女人俱乐部》后，事隔6年再重返TVB拍剧。而她在新剧中与谢东闵不乏亲热镜头，问到她可需要先跟老公曾国祥备案，她说：“唔使，我认识佢day 1已系演员，彼此都互相理解同尊重，我拍戏只需要向对手同埋导演交代。我哋都唔会呷对方醋，工作时追求专业，如果唔系就唔好揾行内人做另一半喇。我亦唔会因为自己嘅身份限制咗接演咩型别嘅角色同戏种。”
做港女有时都几好
Venus和老公曾国祥由拍拖到结婚至今相爱7年，依然甜蜜恩爱，她分享了自己的爱情观表示：“我系一个感性嘅人，对好多嘢好有感受易感动，钟意浪漫，会谂人哋感受多啲，想照顾对方嘅感受先。（咁即系唔系港女？) 虽然港女呢个词语被标签咗有贬义，但系我都系一个香港女仔，有时做吓港女几好吖。”对住老公，Venus坦言也有小鸟依人的一面：“我平时咩都唔理，无乜所谓，随波逐流𠮶只。（作为老婆畀自己几多分？) 梗系100分啦，我畀佢都系100分，最欣赏佢唔做作，有𠮶句讲𠮶句，谦卑，有才华。哗，我欣赏佢好多嘢㖞。”
曾国祥返大陆拍剧最难挨
Venus形容她和老公的爱情故事并非很轰烈那种，两人更是从来无闹过交：“我哋嘅相处好舒服，系细水长流𠮶只，一齐嘅时候好开心好欢乐，大家性格上都好夹，都系唔计较嘅人，好尊重相方，同埋我哋都钟意食嘢。”七年之痒并没有发生在他们身上，Venus亦没有担心过：“要惊都唔系依家惊，无呢个危机，系初时佢返大陆拍戏，要分开好耐，𠮶时见得少，生活模式唔同咗，所以唔习惯。我哋一齐咁多年都无淡过，永远都有好多嘢讲，分享生活同工作嘅嘢。”而他们的相处之道就是不要那么计较，也不要那么消极，要有耐性和有信心，想法正面。Venus自小父母已离异，她直言对她的爱情观亦有所影响：“我会好希望如果有机会创建自己嘅家庭，要点样去好好维系，依然相信爱情。”
即投“01最赏睇娱乐大奖”兼答简单问题，被选中内容最精彩、令人印象深刻及令人产生共鸣的答案，就有机会赢最新5G手机12 Pro，按此即投赢巨奖！
最令人难忘经历反而系前度
爱情对于Venus来说当然很重要：“爱情事业友情家庭缺一不可，分唔到先后。我觉得结咗婚系令到一段关系升华咗，多咗个家庭同身份，但并唔代表爱情已经消失咗，爱情系双方嘅相处珍惜同爱对方，要记得对方系自己嘅爱侣伴侣，而唔系只系一个家庭成员，依然系需要继续去好好爱佢同努力维系。”她和老公之间有很多感动的事，对方至今仍不时会有惊喜给她：“会估佢唔到，我哋都好珍惜大家嘅存在。”不过说到难忘的经历，却是Venus与前度男友的一段旧情：“因为系一段失败嘅感情，受过伤害，痛过所以难忘。当时系第一次发现原来一个人唔钟意自己，就做咩都无用，我自己系属于付出型，𠮶次令我明白到爱情无得强求，亦都好改变我嘅爱情观。自始我相信真爱系个天赐畀你嘅，真爱系无条件嘅。”
事业上对得住自己
Venus的老公贵为金像奖最佳导演，老爷则是曾志伟，两人均在圈中极有份量，外人多会认为靠两人的身份地位和关系，对Venus在演艺事业路上估计也有好处吧？对此Venus表示：“咁多年嚟大家对我嘅努力有目共睹，会知道我做紧咩。其实佢 （老公曾国祥） 都系一个例子，佢亦都一直默默耕耘直至到有今时今日嘅成绩，佢比我更艰难。我自己觉得一路以嚟都对得住自己，知道究竟我对梦想追求有几努力。呢个身份系令到大家有多一个角度去睇我，但其实好多工作机会都系靠自己以前努力累积同种落嘅。”
点选睇Venus的靓相：