全民造星III︱监制花姐回应造马指控：评判即场揿灯我点控制？

ViuTV王牌选秀节目《全民造星III》自开播起话题度十足，林二汶带领的A组与彭秀慧带领的B组斗得如火如荼，40强进30强赛果引发观众不满、群情汹涌，B组虽取得胜利却骤成众矢之的。造马传言甚嚣尘上，观众闹爆节目应改名作《全民造马》，甚至声言罢看，监制花姐（黄慧君）在接受访问时谈到其实自己也偏好A组的演出：“你唔好睇我好似恶霸咁，其实我好感性；我直程冇谂过有终极对战！”她坦言评判当时的选择绝对意料之外：“评判第一次见参赛者，可能冇我哋咁有感情，纯粹睇表演就拣咗力量嘅项目。”在隔篱厂以屏幕观看直播的花姐亦感悟到：“原来现场睇（指评判）同隔咗个电视系差好远。”

“01最赏睇娱乐大奖”名单出炉啦，6大娱乐奖包括最有话题新闻、最Sweet新闻、最强金句、年度风云人物、年度男神及女神，快啲参加有奖投票兼答简单问题赢最新5G手机12 Pro！

对于造马传言，花姐似乎亦已经习以为常：“年年都讲，如果我真系有咁叻，可以写到个咁样嘅剧本，我谂可以出去做电影导演。”至于有观众指控节目组左右兼操控评判选择，花姐激动澄清，表示揿灯已是节目组商讨下相对公平的做法：“点控制呀？如果畀分我仲可以造分，评判即场揿灯我点控制？任何人都唔可以影响佢当时嘅感觉。你谂下我啲评判系歌手、DJ、唔同媒介嘅人，如果我真系叫佢哋揿灯造马，唱咗出去对我嘅节目都唔好，我点敢？我唔够胆咁做。”她又认为观众投入是好事，但在这之前希望尊重评判的专业，不要那么激进。

点击图辑睇姜涛是日型格又可爱嘅相！

否认有契仔　花姐：我得两个仔！

终极十强已经诞生，问起花姐谁是她的心水选手，她似乎就有所避忌：“我又唔想自己讲咗啲咩影响到赛果，跟住大家又话佢系我契仔或者契女，我又唔想咁。”对于“契仔论”， 花姐说：“其实好忟憎，每一季都有契仔，而𠮶啲契仔永远都俾人针对，有啲人以为自己好清楚件事，就乱讲一啲嘢去伤害任何人，其实我一直都好唔认同，我得两个仔，冇契仔嘅，我欣赏嘅人亦唔代表我特别疼锡！”

同场加映：全民造星III︱盘点10大金句　卓韵芝“唔好啦”未算最惹笑？

同场加映：【全民造星III】《前传》MV掀起前哨战　最受力捧8位参赛者曝光