诸朋好友 | 林国斌自爆曾赶妈妈落车 事隔多年历历在目：好不孝
由崔建邦及张秀文主持最新一集（6/12）的《诸朋好友》中，继续邀来方中信及林国斌做嘉宾，两人大谈多年的趣事和憾事。临近尾声时，崔建邦问两人会否有曾经辜负过的人，林国斌坦言负得最多的人是父母，更自揭不孝事，自爆曾经赶过母亲落车。
“01最赏睇娱乐大奖”即日起至12月23日接受投票喇，答埋简单问题，随时赢最新5G手机12 Pro！
林国斌首先透露，自己负得最多的人是爸爸，“尤其是系我老窦，我老窦走咗成廿年，佢走嘅时间系啱啱喺金融风暴之后嘅，变咗𠮶段时间我就较为频扑，同埋博紧命（工作）咁样啦，变咗冇咁多时间顾我老窦，依家系后悔嘅。”
其后他自揭曾经在深水埗赶过妈妈落车，要妈妈自行揾路：“反而阿妈就仲健在，九十几岁，要坐轮椅。我好珍惜依家所有嘅时间。我曾经试过一次，到依家仲记得，好唔啱、好不孝咁。有一次，我𠮶阵住新界，夜晚出去约咗人饮嘢，阿妈话：‘我坐你顺风车出去啦！’我话：‘好啦！’跟住我车佢去基隆街、深水埗𠮶边。我就衰，去到，揾咗两个圈，揾唔到。跟住我就话：‘阿妈你落车啦，我赶时间。’阿妈望住我话：‘我唔识路㖞！’我话：‘你问人啦！’”
林国斌坦言事隔多年，当时一刻依旧“历历在目”，“因为觉得自己好衰。当时我阿妈唔系太老，六七十岁到，佢落咗车。当时系唔会谂到呢啲，系我老窦走咗之后，之后我谂返当时嘅情景，系非常之乞人憎，好不孝嘅。”
经历过这件事，深感后悔的他立下决心不会再让同类事件发生：“我唔会再畀呢啲事情发生。我阿妈依家坐轮椅，如果佢依家叫我，车佢去天脚底，车佢去边度，我会亲自车佢去。”谈起往事的林国斌眼眶泛红，更感动埋张秀文都眼湿湿。
另一边厢，方中信直言最辜负的人是所有得罪过的人。“后生𠮶阵时太过心直口快，得罪咗好多人。喺呢度同佢哋讲声：‘Sorry，对唔住！’”
同场加映：多图｜王曼喜IG贴侧面照骚翘臀 贯彻真实不做作性格网民Like爆