【专访】许廷铿入行11年 仍然重视颁奖礼：最怕拎奖时心虚
“当你以为2019年唔好咩?原来2020年系可以咁，自己都打咗个突。”坚持一年一碟的许廷铿，在疫情下推出了概念大碟《Negative》，贯彻了金牛座执著的特质……
“01最赏睇娱乐大奖”即日起至12月23日接受投票喇，答埋简单问题，随时赢最新5G手机12 Pro！
唔明日日为乜咁忙
疫情令很多行业大受打击，许廷铿的概念大碟《Negative》虽然如期推出，但他却轻叹：“我本身都以为自己有两份工都算几稳定，点知原来两份都会影响，两份都打击大，一边口停、一边手停，都系停。”许廷铿的手停口停，大概可以解读为稍作休息，而非停到无钱开饭那一种。不过，错有错著，令向来忙过不停的他终于有了独处的时间。“日日咁忙做嘅嘢系未必要呢？系未其实可以唔需要忙呢？甚至做紧嘅嘢系未想做呢？专辑当中的话题都是自己所经历同消化过，加上今次唔系百忙之中抽时间去录音，所以就算而家只碟拎上手都会觉得实在啲。”
负面都可以好鲜艳?
专辑以《Negative》为名，收录的曲目如《恨》、《痛》、《谎》、《贱》、《伤疤》亦是走向负面的情绪，偏偏封面却是在许廷铿在猛烈阳光下的湿身照，形成了强烈的对比：“有歌迷同我讲开《Negative》呢首歌，提议我可以喺美术表现上有什么可以呼应，佢比我睇嘅reference全部都系好黑暗嘅画面。或者呢个就系大家对Negative嘅印象，但其实负面又是否如想像中咁负面呢？” 决定以鲜色、光猛表达主题，准备出海当日，却遇上无风也无雨的8号风球，许廷铿也只能呆在家中叹气。择日再开工，许廷铿如搁浅的海豚，在沙滩上任由海浪拍打，精致的妆容早已被冲散，最终拍下一张“眼神坚定但又带点无力”的照片，过往甚少插手唱片风面的他，今次破例的出手。“张相好系许廷铿，所以我直接表态想用来做封面。”
介意他人的眼光
许廷铿过往因家底好、读书叻、星途畅顺而被标签为“人生胜利组”的，看似不会遇上专辑中出现的各种负面情绪。“记得之前营养师问我点解会想要有一个健美体态，我答佢‘希望每日起身照镜时系自在’，系因为想要一种状态，听起来好似好自恋，但对我来说好重要。自己照镜时见到嘅自己，某程度上人哋望我嘅角度，所以我系未好怕别人点睇自己呢？”
潜意识逃避问题
《慌》由林夕填词，以自嘲的形式呈现许廷铿的内心世界。“以前每日都要做好自己，出去见人时要身得体，但原来呢样嘢唔系咁重要。虽然自己都算乐天，大多数瞓一觉就咩都唔记得，但最后发现系自己呃自己，所谓的负面情绪大多来至介意别人对自己的睇法，可能对方一个眼神、举动自己就会谂好多嘢，好烦嘅同时亦妥协咗咁嘅自己，后来慢慢同自己讲其实唔需要咁，你已经做得足够，不过呢句‘唔需要 over啰’都确系用咗少少时间。”过去一年，限聚令老是常出现，朋友的“质”与“量”难免受到影响，许廷铿从中分辨出“用心经营”以及“需要经营”的关系，对于向来得体的他来说甚为冲击。“有啲朋友系点都要见，但亦有啲系唔见的话大家心照。”
上台最紧要唔心虚
乐坛颁奖礼将至，挤身叱咤男歌手大热的许廷铿，对手由昔日的陈柏宇、周国贤、张敬轩等，变为林家谦、冯允谦，可有改朝换代的感觉？“从来乐坛都系咁，只不过群雄割据太耐，当啲亚哥亚姐唔再出歌，就好似后生当道，我自己都11年。Eason(陈奕迅)喺我呢个岁数时已经拎啲好顶级嘅奖，我难道要同佢比？其实最怕你上台时拎奖时心虚，问大家有无听过自己嘅歌，有时做音乐可以纯粹啲。如果我今年上到台会好实在，亦唔会因为某某人而降低重视度。”
点击下图睇更多型格照片
Hair: Milk Chan@Xenter
Make up: Khaki Yan