【致命复活】陈庭欣飞越南“一秒被奸”　扮死尸乌绳搂：有俾嘢咬

台庆剧《致命复活》昨晚出街，第一集就见到饰演郭晋安下属的陈庭欣“一秒被奸”，然后就命丧越南。这一幕事后引起很大回响，陈庭欣表示没想到大家会关注，“我之后收到好多message，甚至我契女见到，以为我真系死咗，睇到喊晒，问佢妈妈系咪以后见唔到我！”陈庭欣在第一集就被杀，之后又会唔会见到佢呢？她说：“其实呢场戏除咗我死，就无交代其他嘢，之后都会讲下我同郭晋安嘅关系，提到我点样帮佢，又会讲我同朱晨丽嘅关系，多多少少都会有我嘅片段。”

虽然陈庭欣被奸到死去只得数秒，她坦言比想像中死得快，或许虐杀镜头因尺度问题，难以见街，但拍摄过程并不轻松，首先要远赴越南，经过一番舟车劳顿，“去到越南，之后要坐七个钟头车，仲未完要再坐船，过程好漫长。”搭车又搭船，拍的时候要死在荒野，陈庭欣笑言当时惊有蛇，“我要瞓喺堆草上面，好原始的感觉，背脊都觉得拮拮哋，我仲feel到好似畀嘢咬。”听落都觉得痕，陈庭欣反而话唔敢讲辛苦，“我去越南只系拍呢场戏，对比起其他演员，佢哋仲辛苦，要拍好多场戏。”

陈庭欣第一次拍强奸戏，又惊唔惊拍开有条路？她就不担心，“始终咩都要试下，都无谂过今次大家有咁大反应。”她表示自己死得逼真，除了要多谢监制安排、剧组人员的协助及化妆师的技术，还要多谢期间飞过的乌绳，“我成身都滴满血浆，都几真实，不过只乌绳飞过，个效果仲好，真系好似死咗好耐咁。”哗，即刻隔住个荧幕都觉得有阵味......

今次咁爆，陈庭欣将来会有更爆的演出，她正在拍摄另一套剧《踩过界》，饰演一名变性人，仲要系由男变女。做男仔的部分，身材向来唔错的她，为求更似男仔，扎胸兼近乎素颜，对她来说甚具挑战性。