汪明荃“晒”名贵手袋非炫富　罗家英豪语：冇三千万都有五千万

罗家英和“阿姐”汪明荃今日（24/11）现身西九文化戏曲中心出席粤剧记者会。提到阿姐早前在社交平台分享在家中花园晾晒名贵手袋照，引起全城热话，她接受《香港01》访问时表示：“其实呢啲习俗每个家庭都会做，你知唔知啲衫同啲袋要攞出嚟晒，系因为要消毒杀菌，因为香港湿气重。其实我系晒太阳嘅晒，唔系晒命嘅晒！（怕唔怕晒得多啲袋会甩色？）你就想呀！点会晒咁多日吖！最多咪晒一日。（有冇数过价值几多？）咁又冇㖞！”

点击下图睇汪阿姐点晒袋：

旁边的老公罗家英闻言即笑说：“手袋总值冇三千万都有五千万！（阿姐啲名贵手袋你送？）都有少少啦！百分之一咁上下啦！”而阿姐就话：“其实之前佢都有送过万蚊嘅手袋畀我，都几贵，可能佢系大发慈悲啦！佢当时可能系傻咗。不过当时收到呢个袋都几意外。”阿姐被问下次要晒袋时，会否要家英哥连袋一齐晒？家英哥抢答话：“都好呀！可以保钙！”