使徒行者3｜戴耀明奉旨狂𥄫蔡思贝　感谢对方容忍：真系任我发挥

由林峰、苗侨伟、马国明、黄智雯及蔡思贝主演台庆剧《使徒行者3》首周平均收视25.2点，虽成绩一般，但仍掀起不少话题。除了一班主角有讨论性外，饰演黑社会大佬“符碌”的戴耀明，咸而不湿的角色亦极之讨喜。

剧中，讲到卧底蔡思贝因被怀疑传递赌客名单而被赶走，她唯有投靠戴耀明继续向刑事情报科传递消息，但她不时都要遭到戴耀明口花花性骚扰。对于能够攞正牌狂𥄫蔡思贝，戴耀明接受《香港01》访问时都表示相当不好意思：“有一段喺我带蔡思贝出去，我同监制讲可唔可以望住佢个胸讲对白，我都知对一个女演员嚟讲系几唔舒服嘅行为，但思贝都非常之配合，畀我咁大嘅宽限度。我都好多谢思贝，根本上系任我性骚扰，阴公！包括𥄫住佢个胸同言语上，变咗真系好委屈思贝，要成日受我性骚扰，但都好难唔性骚扰佢，哈哈，喺戏里面作为一个好色之徒，系要去尽啲，思贝都好专业，多谢佢咁容忍我。”

点撃下图重温戴耀明𥄫胸一幕！

对于自己“咸而不湿”的演技，戴耀明称：“如果咸得嚟又有少少趣味，感觉上就唔会好猥琐，好多时性骚扰佢𠮶啲都系搞笑Feel，冇咁油腻。”而角色得到不少观众喜爱都表示好意外：“观众好好记性呀，就连我喺《潜行狙击》饰演嘅角色一样叫“符碌”都知，真系畀咗我好多鼓励我，听完自己开心咗先啦，都好多谢监制苏万聪，真系任我发挥。”

入行至今28年戴耀明演技和实力无庸置疑，不少网民都认为TVB欠他一个奖，而戴耀明则表示：“每一个演员都希望攞奖，虽然我唔系主角，都希望攞个绿叶奖，相信都系每一个演员嘅梦想，其实提名下都好开心。至于有冇机会攞，我对自己信心都不大。”

点撃下图睇更多蔡思贝！

同场加映：湛江市民激似陈奕迅抖音爆红　获本尊留言认证：果然很像！