后生仔倾吓偈｜冯盈盈提双面人意有所指：唔使同佢一个层次争论

撰文： 洪晓璇
出版：更新：
冯盈盈同江嘉敏曾经系好姐妹。（资料图片）

人生中总会遇到几个双面人，《#后生仔倾吓偈》呢日喺节目中讨论呢个话题，艺人们纷纷表示分享自己经历，亦无可避免令人揣测讲紧边个。当中大家不敢将目光投射至新闻多多嘅冯盈盈（FYY ），而FYY亦侃侃而谈话：“如果唔系自己有恶意见到都唔会专登提起，例如话人贪钱佢自己一定贪钱。”不禁令网友联想起早前与她传出不和嘅江嘉敏。

第二排，中间向右顺序张颖康，汤洛雯、杨明、冯盈盈、胡鸿钧和江嘉敏。有人发现冯盈盈同江嘉敏互当透明。（资料图片）

呢集节目以双面人为题，席间个个都踊跃发言，当中冯盈盈更加系焦点，事关之前佢同何家公子何猷亨上亿元游艇出海开船P，事后同江嘉敏姐妹决裂，台庆夜仲被影到面阻阻。节目中冯盈盈提起双面人呢个话题就话：“双面人问我最清楚，对住你一个样，对其他人又另一个样。事事都批评嘅人，一定系自己有𠮶种特质，如果唔系自己有恶意见到都唔会专登提起，例如话人贪钱佢自己一定贪钱，有啲人得到佢得唔到嘅嘢，就要特别提出。”

冯盈盈解释台上倾偈会畀人闹，所以没有同江嘉敏交流倾偈。（吴子生摄）
+15

陆浩明问到：“即系话你痴富二代嘅人自己一定系想痴富二代啦㖞？”冯盈盈苦笑一下然后正面回应：“都系依我头先所讲，本身有咁谂有咁嘅特质，先会特别提起。由佢地继续讲啰反正我自己无做呢样嘢。（可能调返转系啲富二代钟意痴埋冠军靓女度接近你呢？）如果佢有咁嘅言行举止一定有人知，自然有一日佢会为自己做过嘅事带来后果。唔需要你同佢操心，好似同佢同一层次咁，喺度争论谁是谁非。”火药味甚浓。

点击睇冯盈盈喺节目中点讲：

+7