39岁陈明恩澳大利亚临时转剖腹产子　改名郑源：3kg嘅靓仔BB好健康

恭喜恭喜！现年39岁嘅陈明恩，3年前同初恋男友郑献（Eddy）结婚，今年5月宣布造人成功，呢日终于传来好消息，11月19日佢拍片上载到社交网站话：“突然间穿咗羊水，突然间就生得啦。”至21号下午陈明恩老公贴出bb照片话：“同大家介绍我哋宝贝 郑源!! 感恩呢一位3kg嘅靓仔bb好健康，一出世就大喊，38周佢决定咗出嚟啦! ”

陈明恩父母都喺澳大利亚生活，为方便照顾，早几个月疫情下佢飞返澳大利亚生BB，连带老公都停工2个月一齐离港，见证囝囝出世。11月19日陈明恩喺医院门口拍片表示：“突然间穿咗羊水，突然间就生得啦，希望可以顺产，已经嚟到医院，唔好意思开唔到Facebook直播啦。依家喺好舒服嘅产房，大家为我祈祷啦，好快BB就可以见到大家啦。”据知明恩最终在医生建议下剖腹诞下囝囝，母子平安。

陈明恩老公喺21号下午贴出囝囝照片，留言话：“同大家介绍我哋宝贝 郑源!! 感恩呢一位3kg嘅靓仔bb好健康，一出世就大喊，38周佢决定咗出嚟啦! 话说好多人都好想知呢个Mix 嘅BB会系咩样！依家真系成功透过我哋DNA 制造出嚟喇！暂时目测系啡色发，深蓝眼精（只开过几次眼...唔太肯定），黄皮肤！手长脚长，非常活跃.......睇嚟佢大啲之后都系坐唔定喇！辛苦老婆仔。”