曾伟权逝世︱爱狗如命做义工为流浪猫狗执尸：每次见到都好难受
撰文： 洪晓璇
出版：更新：
无线（TVB）男星曾伟权11月12日因肺癌病逝，终年59岁。入行以来数段恋情都无疾而终，佢亦享受单身，将猫狗视为终身伴侣。多年来佢都好关注流浪猫狗新闻，勇于发声，收养流浪狗，亦会帮惨死街头嘅流浪动物做善终服务。
曾伟权2017年接受《香港01》访问时表示：“唔想见到佢地俾车辗完一次又一次，以前未有宠物善终服务，我会将尸体先移到马路边，然后打电话叫食环署处理。而16年我认识一个专门做宠物善终服务嘅朋友，所以现在都会一齐帮手。”佢会放定一些黑胶袋及手袋喺车尾箱，以备不时之需。
曾伟权病逝︱入行近40年曾位列一线 最后亮相《使徒行者III》
访问中佢亦忆述起当年一个深刻经历：“有日超大雨后执过一只被车死嘅大猫，身体已不完整，半夜非常黑又大雨．执到一半先发现，原来后面亦有另一小猫被车死，估计系母猫死后小猫徘徊母猫身边又被车死，𠮶一刻我真系忍唔住落泪。”至于问到会否感到麻木？曾伟权就话：“虽然每一次见到心情都好难受，但处理完后心情都会安落，至少可以令动物有尊严。”
+14
虽然曾伟权传出遗病后刻意疏远亲友，但病重时仍为动物发声，早前带同两只爱犬小吉和小金一齐为渔农自然护理署拍宣传片，呼吁市民领养唐狗：“唐狗嘅样的而且确系恶，但其实佢哋心中都系有温柔一面。佢哋视你为主人后，就会完全将个心交畀你，好多一啲名种狗就系人都抱得，但唐狗就唔会，认咗你系主人之后先会畀你抱，呢个系佢哋嘅特性。”
点击下图观看片段画面：
+8