【大步走】姚子羚传夜会绯闻男友 拒正面回应：呢方面一向低调！
撰文： 洪晓璇
出版：更新：
姚子羚最近被传媒影到夜会绯闻男友Raymond，传出翻挞疑云。呢日佢出席剧集《大步走》宣传活动时，拒回应感情事，直言一向对呢方面低调，到他日遇到真命天子步入教堂就会接受大家祝福。不过讲到萤幕情人陈山聪，子羚就侃侃而谈：“第几次演情侣呢，好似已经4次啦！”山聪话多次演情侣最爱呢套剧中关系田，异性友谊中带点暧昧。
问到现实生活中有无一个咁嘅人，子羚就话：“其实我一直都有好多异性好朋友，好似山聪咁，但就系buddy好兄弟啰，唔会有咩暧昧。”山聪仲笑言：“我哋真系坦荡荡咩都讲得，连底裤咩色都可以讲，老婆都知我哋咁friend但唔会觉得有任何问题。”