康华马蹄露加樊亦敏中女拍MV　44岁康华：跳到成条筋歪咗！

康华、马蹄露及樊亦敏为台庆推出新歌《伊人当自强》，仲拍埋MV。首歌一出，网民罕有地给予正评，纷纷话“首歌好正”，最多留言表示“康华好正”。三人还有联同一众年轻演员，包括傅嘉莉、蔚雨芯等今日在电视城进行台庆骚彩排。

最受欢迎的康华表示十多年没有跳舞，日前为了拍MV，跳舞跳伤只脚，“拍MV时要着高跟鞋，但不小心跳伤了条筋，成条筋歪咗，而家对鞋入面贴满膏布。都要着住高跟鞋跳感受下，到时台庆都要咁样跳。”提到网民大赞康华好正，她非常开心，“好多谢大家会钟意我，过往我好比心机去工作，之后有好多信心，因为本身谂住会有后路，既然大家唔嫌弃我呢个老女人，我都会继续做落去。”康华又表示不介意被称为“盛女”，“我咁多年都靠自己，都好独立，都希望咁样鼓励到其他女性，揾到自己的幸福。”

至于傅嘉莉都有份上台跳舞，但彩排的时候就有少少甩beat，“喺排舞室都无嘢嘅，但一踏上台板，有人望住就好紧张。都好担心星期六台庆有更多人望住会有甩漏，都几大挑战㗎。”傅嘉莉表示自己零跳舞底子，最多都系跟朋友去玩跳舞班，今次排舞之后，发现樊亦敏依然咁劲，踢腿上天一样无难度，简直是她偶像。