全民造星III︱40岁Alan@E-Kids落力跳唱　花姐嫌弃：睇得好尴尬呀

《全民造星III》昨晚（11/11）播出最新一集终于迎来年纪最长的参赛者、E-Kids的成员Alan（林咏伦）。入行19年，现年40岁的Alan在节目出街前已经成为网民讨论焦点，其中话题性最高的固然是Alan的年龄。

花姐（黄慧君）在预选时直接了当地问Alan：“你决定参加呢个比赛嘅时候，究竟你系畀人笑嘅多，定系人哋会留意你，畀个机会你？”Alan回答是“留意”，花姐则冷漠反驳：“其实佢哋会笑你。”随后她言之凿凿地批评：“我觉得佢唔错，但我确定佢嘅未来唔系星。”连导师林二汶和彭秀慧都狠评：“有啲灰呀真系！”、“佢好似啱资格，但帮佢唔到。”

虽然承受外界奇异目光，惟Alan在访问中解释，除了希望透过参赛证明E-Kids其实识唱歌跳舞，更想突破自己，放下偶像包袱，“帮自己争返口气”。

Alan在今轮比赛选择跳唱《头发乱了》，虽然伴舞气势强劲，然而花姐却在后台疾呼：“跳得好老套呀！大佬！我睇得好尴尬呀！”跳唱结束后，三位评判思忖数秒，决定给予他两盏蓝灯，令Alan成功入围。花姐和林二汶迅即惨叫：“Oh No！”

给予Alan过关的Eric Kwok（郭伟亮）向他抛了同样的问题，询问他会否觉得自己太老，Alan诚恳的回答却感动全场：“其实我嘅出身系一个组合，呢个组合成日高低高低，我自己系控制唔到。喺今晚呢个环境，想同年轻人讲嘅系，唔好放弃自己嘅理想。就算好似我咁嘅年纪，我钟意唱歌、跳舞，我亦都可以抛低我嘅包袱，去话畀人听，我不忘初衷。由20年前开始，就已经好钟意唱歌跳舞。”

Alan诚恳真切的态度感动了林二汶，最后林二汶决定拣选他入组，连Eric Kwok都对Alan肃然起敬：“我以前唔会记得E-Kids有个Alan，但依家我会记得，我会respect佢。”