何雁诗结婚似做骚 大赞郑俊弘系最佳队友：我同佢都系好随意
撰文： 邝钰莹
出版：更新：
何雁诗（Stephanie）日前接受网媒《后台》专访，大谈婚礼筹备过程。准新娘Stephanie坦言仍有细节未落实，但与老公郑俊弘轻松应对：“依家都唔太紧张嘅，最想就再瘦多啲啲，以最Fit状态出场，搞到好似做骚咁，其实爸爸拖住我入场首背景音乐都仲未拣，睇嚟我应该再紧张啲啲。”她笑称期待婚礼过后的Party，可以尽情吃喝：“食完饭之后可以尽情饮酒，因为依家我好节制，好想可以任饮任食，希望大家过一个又难忘、但饮醉后又未必记得嘅婚礼。”
何雁诗更大赞“老公仔”郑俊弘，称对方为“满分”丈夫：“佢作为筹备婚礼嘅队友嚟讲，真系要比十分㗎啦！因为我同佢都系好随意，好多细节都冇所谓，最紧要家人开心！我地都有因为婚礼而磨擦，好似拣场地咁，我家人想大搞，而佢就想简单啲，而家因为疫情关系而缩细咗，下年再补摆酒，咁就两全其美。”
访问期间Stephanie唱出老公歌曲《投降吧》，笑言望见对方唱歌便会深深著迷：“因为佢心地好好、好细心，令我嫁得过！佢每朝都会斟杯水比我，体会佢好关心我。加上佢唱歌好好听，但佢唔会唱比我听，靠平时睇骚或者练歌先听到，不过都系好大嘅Bonus，但系佢唔会记得我任何一首歌、或者多过两句嘅歌词。”