HotCha张惠雅情伤激瘦跌至84磅 性感照得返排骨惹网友担心
撰文： 洪晓璇
出版：更新：
前HOTCHA成员32岁嘅Regen张惠雅，早前喺ViuTV节目《吃掉前男友》分享情路经历，以往面圆圆嘅佢瘦得好憔悴，Regen喺节目中坦言，拍摄前刚同年轻8岁嘅男友分手，为情消瘦到得返84磅。呢日佢喺IG贴出素颜近照，瘦到皮包骨相当吓人，令网友相当担心。
Regen于IG贴出两张应该系临瞓前坐喺床上嘅相片，著上BRA TOP嘅佢严重消瘦，双手幼得可怜，锁骨突出，腹部得返皮包骨，令网友表示好担心。10月初Regen曾经留言话：“自己都知道瘦到好残，好多人无见我一排见返我直头唔认得我，系真系唔认得我𠮶只。昏君我失恋后终日躺于床上不吃不喝了一段时间，当时发现自己瘦咗啲咁……”
其实Regen自知令身边人担心，有努力进食，但磅数都系停滞不前：“有一天发现84磅，我同屋企人都有啲吓亲。但系自己可能开始追求想有肌肉，我都无停运动，加上开始新店装修频扑下，就算食返好多嘢，磅数都徘徊喺84-88lb，其实自己目标想上返起码90lb，但系好衰个人一瘦，就系面手脚胸屁股瘦晒都唔瘦个下腹，吃多啲嘢最先长肉就系肚腩。”
按下图睇张惠雅（Regen）近期消瘦近照
+19