钱国伟病逝｜重温《美女厨房》经典 G.E.M.厨艺现场观众都顶唔顺
撰文： 黄梓恒
出版：更新：
前无线（TVB）监制钱国伟今日（27/10）病逝，终年58岁。据了解，钱国伟年多前知道自己患病后一直低调求医，甚至老友郑伊健、陈小春开骚找他做监制，钱国伟都一律推辞。
钱国伟监制头两辑的《美女厨房》由郑中基、方力申和梁汉文做主持实在太成功，加上一班星级嘉宾完全可以说是豁了出去，所以出来的效果相当之好，而且相当搞笑，制造了不少经典画面。
当中最经典的，相信问十个人，九个都会答你：“啲奶假㗎！”究竟咩事？事缘有一集，方力申试食后，就同嘉宾（组合freeze）讲：“真系好咸㖞”，点知佢哋竟然覆返小方：“咪似你啰”，哗！真系话中有话。不过小方都绝对唔系省油的灯，当要试下一味“炸牛奶”的时候，大大声抛低一句：“啲奶假㗎！”更拒绝试食，明显亦是话中有话，成为成个节目最经典的一部分。
除此之外，当然唔可以唔提地狱厨神吴雨霏，佢除了厨技够地狱之外，连煮条鱼都可以搞到火灾成祸，仲要出动保安人员用灭火筒救火，都算系节目嘅经典画面。之后佢仲有机会再上节目，当时要整濑尿虾，结果佢就拎两袋冰出嚟敷住佢当刺身，真系吓死街坊。
讲到地狱厨神，又点可以唔提当时仲相当清纯兼未著皮裤的邓紫棋G.E.M.呢。除咗卖相已经够呕心，当现场观众试食之后，仲即刻忍唔住要冲去厕所，成为一幕相当经典的画面。而当梁汉文试食的时候，佢一路讲嘢一讲呕返啲食物出嚟，虽然场面呕心，但相当搞笑。
+6
除咗一啲搞笑位，其实都有啲sweet位，就系当时应该系拍紧拖嘅方力申同Stephy同场演出，而小方更加好落加咁帮手，仲扮晒公正俾高分。
+2
《美女厨房》经典相：
+16