“狂野港姐”廖慧仪被跟踪恐吓性骚扰　每日过百来电：呢啲唔系爱

有“狂野港姐”之称，五强止步嘅落选港姐廖慧仪（Jessica），在比赛前已经是非多多，本月初同佢拍拖多年嘅男友Sam，忽然自爆被飞更指责《后生仔倾吓偈》孔德贤（Danny）插足二人感情。沉默多日后，廖慧仪终发声回应，于IG STORY贴图大反击：“其实好多嘢已经可以报警处理﹗”

点击下图逐格睇Sam原post、廖慧仪之前与网民骂战的留言以及她的靓相：

廖慧仪喺IG Story贴图，表示自己帐户多次被入侵：“密码改几多次都无用，原来一直仲偷用紧我Email。跟踪威胁恐吓性骚扰，当街偷我电话跑走、捕我落堂、炸我Whatsapp，讲粗口闹我唔去见你，全日打几百个电话畀我打到我电话无电，出Post说我不是，话要畀世人公审我，我被人骂唔紧要，呢啲人都系互不相识嘅人，佢哋根本唔知件事嘅来龙去脉，但唔好事后同我讲个Post唔系自己出，系Account被人Hack咗再揾朋友食死猫猫，扮到事不关己，扮呀妹扮朋友揾我，日日都玩跳楼，你要搞清楚，呢啲唔系爱嘅表现。”

行文中廖慧仪未有指名道姓，但明眼人都睇出系讲紧前度Sam，廖慧仪措词强硬表示：“你要嘅解决方法我已经一早做咗，相已经DEL咗，唔该你唔好再骚我打搞（扰）我，我朋友同我屋企人，其实好多嘢已经可以报警处理，但谂下点解我被你骚扰咗一个月我都无咁做。点解？我一路被陌生人人身攻击，我都无出声，成件事如果你系受害者，呢个唔系你最想要同埋最好嘅结尾咩？”

重温廖慧仪及SAM甜蜜相：