方媛拍片晒舞技遭网友劣评　获郭富城力撑有天份：都要俾啲鼓励㗎

早前“天王嫂”方媛（Moka）背住素有“舞台王者”之称的老公郭富城秘密学跳舞几个月，其后更在抖音拍片公开献技。不过大部份内地网民睇过段片后，对她舞姿劣评如潮，直指她手脚极不协调，有如“四支没有商量，手脚各有各跳”。

今日（16/10）郭富城（Aaron）现身柴湾出席活动时，公开力撑太太方媛跳舞甚有天份，“其实佢跳完都有拍片俾过我睇，好老实佢拍片俾我睇做乜，咪又系想我睇，咁你都要俾返啲鼓励佢㗎，唔系拍嚟做乜。（点俾鼓励先？）梗系Very Good啦！”

被问到太太点解唔跟你学跳舞？Aaron笑言：“我唔使做嘢咩！我唔使拍戏咩！反而我觉得太太唔想骚扰我工作，系因为佢知我拍戏要熟读剧本又要思考，所以佢唔会骚扰我。”