袁嘉敏转型做YouTuber 靠一部iPhone成功吸253万点选
撰文： 邝钰莹
出版：更新：
自从疫情爆发后，唔少艺人都化身成YouTuber，当中以拍片教运动同烹饪最为常见。而入行多年，有过唔少大胆演出嘅袁嘉敏，日前出席活动时，亦透露已经大半年无工开，加上揾唔到助手北上，所以损失几十万酬劳。为咗生计，袁嘉敏最近主攻网上个人频道，影片内容大多系过往工作经历和旅行片段。
唔少YouTuber拍片都会出动相机、打灯神器，但袁嘉敏就一部iPhone走天涯，而影片嘅接剪中亦未见有太多花巧嘢（甚至连字幕都无），但其中一条以“独游苏梅(第三集)”为名嘅21分钟影片，竟然有253万观看次数！比起资深YouTuber倪晨曦宣布婚讯、陀B、教化妆等影片都高出好几十倍。再睇睇袁嘉敏YT频道，订阅人数只得6.2万，换言之每位订阅者至少要loop 40次呢条片先会有咁嘅成绩。
到底点解会有253万观看次数?点选下图睇睇
+18
呢条253万观看次数影片，大部份都系以袁嘉敏主视角拍摄，所以风景多于一切，不过亦有佢换上三点式后嘅自拍镜头，而全片最吸晴之处，应该就系袁嘉敏换上白色大露背针织裙，喺镜头前360度回转。比起佢介绍酒店嘅餐饮、住宿措施更为吸引。
点选下图观看袁嘉敏过往福利图
+36