岑杏贤32岁生日惊爆婚讯　大方承认：已经求咗婚一段时间

恭喜恭喜﹗10月9日32岁生日嘅岑杏贤（Jennifer），呢日好姐妹汤洛雯、朱千雪等好姊妹贴出合照，佢哋同Jennifer举行小型派对，原来唔止系庆祝生日，更系婚前派对﹗岑杏贤接受《香港01》访问时，亲口承认婚讯：“Yes﹗已经求左婚一段时间。”

汤洛雯、朱千雪、蒋家旻、张嘉儿10月8日为准新娘Jennifer举行惊喜派对，最抢眼嘅当然系岑杏贤左手无名指上嘅钻戒﹗岑杏贤接受《香港01》访问，被问及系咪就嚟结婚，佢回应话：“Yes! 昨晚嘅生日好感动好难忘好惊喜好开心，冇谂过大家都忙着工作，花尽心思为我送上最大嘅祝福。感激有一班好锡我嘅姊妹。”

有指岑杏贤男友叫Kelvin从事金融业，比Jennifer大两岁，，两人拍拖近一年。问到另一半身份同几时举行婚礼，岑杏贤就话：“我哋已经求咗婚一段时间，但一直冇同大家公开，系因为未婚夫系圈外人，想尊重佢低调处理，希望大家吾好介意同明白。其他细节唔透露太多。但系而家心情系好开心，好感动收到好多人满满嘅祝福。”