周星驰吴孟达TVB台庆呻倾续约难：做唔够Show仲要加人工丧尽天良

周星驰同吴孟达这对黄金组合曾合作拍摄无数经典喜剧，两人默契十足，为观众送上笑料。虽然两人已经多年没有合作，但近日他们在TVB 23周年台庆时表演的一段影片在网上翻Hit，两人除了送上对公司的祝福之外，竟然还公开抱怨待遇差，倾续约时困难重重！

首先达哥扮演星爷讲道：“经理你知啦，我份约就满喇，而家样样嘢都贵咗，我又要供车，又要养我阿妈，又要供楼，又要养两个妹，所以希望续约𠮶时经理酌量加我……”，而扮演艺员经理的星爷就答道：“你呢两年做唔够Show㖞，其实公司对于一啲做唔够Show嘅同事不嬲都抱住一个非常容忍同好理解嘅态度。但前两日阿边个嚟倾就有一样唔好，佢做唔够Show仲要求加人工，你已经做唔够Show即系你唔使做就有钱攞，维起条数你每个Show多过阿姐，咁阿姐系全台最大㗎嘛，你系咪想大过阿姐呀？你仲话要加人工，咁嘅谂法直情系丧尽天良啦！”

星爷大呻因为自己做唔够Show，所以好难倾续约的条件，而达哥就指自己就算做到爆Show都一样无法提出加人工，最后两人唯有“认低威”表示要检讨自己，更应该报答公司，星爷扬言：“我决定由今日开始要求公司黐我头套、拍我古装、吊我威吔，将我做到人唔似人狗唔似狗，叫埋我阿妈一齐嚟洗厕所抹地嚟报答公司多年嚟对我嘅栽培，唔收钱！”一番说话惹来台下笑声不断！

同场加映：10位隐世星二代外表才华一样顶尖　张兆辉囡囡撞样钟嘉欣劲甜美