程美段做保险揾到钱回馈长者　认与男同事相处融洽：应该唔会追我

最近转行做保险的程美段（Kiwi）周日（4/10）与一班同事做义工，到荃湾象山邨探访独居长者，并向他们派发口罩等防疫用品。程美段接受《香港01》访问时，坦言这次探访令她感受良多：“虽然佢哋自己一个住，但系佢哋都系好正面、好乐天同好健康，都戥佢哋好开心！”

程美段又指一众长者的乐天心态，间接提醒她在工作上继续努力：“因为做呢行成日都俾人拒绝，但唔可以因为咁而消沉。（而家系做保险揾到钱，回馈番畀啲公公婆婆？）系呀，以前好多人都对保险呢个行业好反感，或者觉得你揾到钱但好炫耀，但我觉得有能力就要回馈社会，帮得几多得几多。”

点击下图观看现场情况：

问转行后是否收入大增，程美段没有正面回答：“都满足嘅，最重要系学到好多嘢，我嚟紧除咗继续考牌之外都会读书，报咗个英国嘅MBA（工商管理硕士）。（唔理娱乐圈？有冇人揾你做嘢？）都有，而家疫情缓和番，娱乐圈都多咗拍摄工作、活动，但我都系想专注做保险。（全部工作都Say no？）会拣，太性感就唔会做喇，健康嘅就OK。”

点击重温程美段OL造型，以及昔日精选性感相：

提到日前程美段在IG自爆发福不少，她笑指转行后确实应酬较多，但不知道自己重了几多磅：“饮饮食食少不免，所以放假都要行山、做运动。（唔怕身材冇以前咁好？）开心咪得啰！而家个身形都唔会成日拎出嚟见人！”而谈到她与男同事相处不错，问当中有否追求者时，她便立即落闸：“我哋做嘢咋！朋友啰，相处融洽！（佢哋追你咁点先？）佢哋应该唔会追我，我公司好多女同事。”