同汤洛雯拍拖睇浅水湾豪宅准备筑爱巢？　马国明：几个月前啦！

撰文： 邝钰莹
出版：更新：
公开恋情后，马国明不时都被影到出现喺汤洛雯位于红磡嘅寓所，早已过住半同居生活。（IG图片)

自从公开恋情后，马国明同汤洛雯经常高调放闪，由于双方早已见过家长，加上靓汤一早讲过每次拍拖都系以结婚为前提，所以大家都坐等公布婚讯。

汤洛雯曾公开表示视马国明为结婚对象，又自嘲年纪大玩唔起，呢一对真系打风都打唔甩。（IG图片)

日前有传媒影到二人双双在浅水湾拍拖，并在地产舖不停研究楼盘，靓汤对该区亿元豪宅似特别有兴趣，马明亦细心跟女友共同商量二人未来爱巢。报道仲话靓汤为迁就男友照顾家住太古城嘅家人，所以特别留意港岛区嘅楼盘。对于睇楼一事，马明接受《香港01》访问时表示其实已经系几个月前嘅事，并谓：“行过望下啫，无咩特别意思。”

女友被指幸福肥，马明代为澄清，重复又重复表示“已经瘦返。”听到都觉得甜。（roxannetong＠IG图片)

至于是否有意同居，马明则未有回应，但对于报道指女友幸福肥，马明就似乎唔多同意：“佢有keep返，辑相几个月前影，而家瘦返好多，可能你哋最近无影到佢，其实佢瘦返好多，因为接下来佢都有好多job要做 ,佢都有keep返，佢系比较易肥但亦比较易瘦。”呢个回应字字也是爱。

靓汤日前在IG上载不时低炒高炒照片，一如马明所讲：瘦晒！点击下图睇睇

+7
+50