《东张西望》主持黄颖君2招轻松减16磅：生完废事俾人觉得系师奶

现年31岁的《东张西望》主持黄颖君（Burmie）婚后育有一子，已为人母的她一向给人有肉地的感觉。昨日（6/10），Burmie在IG限时动态上载了在升降机内的自拍照并写着：“随影”。她穿上T-shirt加黑色窄身牛仔裤，网民赞她清减不少。Burmie回复《香港01》时谦虚表示自己仍有肉地，不过就靠两个方法成功在9个月内慢慢减去16磅：“生完小朋友之后要Keep下，废事俾人觉得系师奶。以前仲可以系Baby Fat扮Cute，而家唔得。”

黄颖君在怀孕时有节制饮食以及一星期做三至四日运动，而这些有规律的生活一直延续到现在，亦令她成功健康又轻松地减磅：“陀小朋友时饮食好节制，好多唔健康食物都戒咗。每个礼拜会做三、四日运动，好似孕妇瑜伽同游水。当时订落嘅规律生活而家仲Keep住，更加容易Keep到Fit，开始想练下肌肉，但瘦极都系圆润。”

比起戒掉心爱的食物，Burmie认为更重要的是节制食物的份量，饱着减肥才是长远有效的方法：“食嘢方面冇咩点戒，反而系份量。以前食晒成碗，而家就食一半，慢慢就食1/4。饺子以前食10只，而家食5只或2只。食多咗蛋白，提升蛋白质Build肌肉，所以我系饱住减肥。”

而餐单方面，她晚上会戒掉淀粉质，亦避免在晚上喝汤：“早餐会食2只蛋、有汁嘅会尽量避开、夜晚戒淀粉质但就会食少量肉类，汤尽量晏昼饮唔会夜晚饮，惊太吸引消化唔好。我唔算减得快。9个月先减咗16磅，唔系急速减肥，因为减肥真系要持之以恒先得，要揾方法长远咁做，饿住减会好快顶唔顺。”

另一减肥关键是选择自己喜爱的运动，并持续做45分钟以上：“每种运动都有效，最紧要是几长时间同埋自己钟唔钟意。我钟意一个人做运动，唔使就人节奏又可以调节步伐，打Golf同跑步对我有效啲。最重要坚持跑够45分钟，如果下下做20分钟，连Burn Fat时间都未达到。开头揾啲钟意嘅运动先，做下做下时间会愈长，最初跑35分钟就好辛苦，跟住就45分钟，之后就60分钟。”

Burmie指自己不是减肥达人，只是健康又轻松地减磅：“我想大约减返到港姐果时110磅，仲差10磅。”至于照顾仔仔是否一项很好的活动，Burmie笑言是阻碍：“唔系啰，佢成日阻住我做运动！一换运动衫，佢就痴埋黎，爬上黎要你抱。”

点撃睇更多Burmie照片：