Angelababy与顶级名媛闺蜜团聚会 合照企位靠边站似《三十而已》
撰文： 洪晓璇
出版：更新：
+9
Angelababy身为一线女星，每次现身都系镁光灯焦点，前呼后拥相当有气派。但最近微博疯传一张大合照，顶住明星光环嘅Angelababy只能靠边站而非正中间位置。原来呢班女士来头不少，全部都系上海顶级阔太闺蜜团，个个非富则贵，Baby仲曾笑言自己平时负责帮佢地订餐而已，似足内地热播剧《三十而已》剧情！
网友推测呢班非富则贵嘅名媛，相信系Angelababy囝囝小海绵嘅同学仔家长，佢地不时都有聚会，最近仲同游上海迪士尼。佢地聚餐时大合照，见到一向企喺主角位置嘅Baby，默默企喺左边靠边位置，唔少人笑言谂起内地热播剧《三十而已》剧照。Baby仲曾经自爆平时负责帮呢班朋友订餐，同佢地去三亚游玩时，贵妇们晒出嘅游艇合照中未见baby身影。
+8
据知相片中位位都来头不少，有温洲专代理奢侈品牌嘅集团千金、有上海多间高端会所嘅老板娘，仲有大陆鞋业集团新抱，Baby更喺去年成为呢个鞋业品牌代言人，位位家底丰厚又具影响力，Baby做咗妈妈之后生活圈子真系大不同。