黄子恒遭林作点名“裕美前度”　不介意被重提：我同佢哋冇乜关系

黄子恒今日（29日）出席美剧《好医生3》（The Good Doctor）的宣传活动，入行20年演过大大少少专业人士角色，他坦言演医生或律师时，虽然要记很多又长又难记的英文名词，但比起演绎需要体力劳动角色轻松得多：“其实正常讲对白我都唔系好惊，亦唔太担心，反而系要体力劳动嘅角色，甚至乎冇得着衫会有更大心理压力，又休息得少又要兼顾身形，就好似我拍《机场特警》 时都好大压力。”

黄子恒上年因患上惊恐症呼吸困难而要入院治疗，健康亮起警号后令他更努力做运动，现时暂时未再出现症状：“都冇呼吸困难、头晕或手软脚软或出冷汗嘅情况，可能而家比较着重Keep fit做运动，身心都健康咗好多。”

在众多运动之中，黄子恒表示自己最享受打网球的时光，而网球“铁脚”每次都离不开郑子诚、黄智贤和郭晋安。由于疫情关系网球场关闭多时，因此他特别珍惜每次打波的机会：“球场一开我哋就回归球场，但我哋停咗一轮冇打，球技反而冇退步，因为一路都有睇好多网球赛事！”

4年前黄子恒和裕美曾展开一段情，虽然两人已分手多时，但仍然多次被对方现任男友林作重提，形容一名与黄子恒同名的记者刻意用裕美前度的名字来写裕美和自己的新闻是“好识玩嘢”。对此，黄子恒表示不解为何自己名有重提的意义：“首先，撞名呢样嘢，我相信都唔系刻意嘅，佢（记者）唔会特登改个名叫黄子恒嚟做话题嘅。我谂佢（林作）都唔系刻意，始终过咗去嘅嘢，佢哋而家感情都好好，都冇必要重提（我）吖。”

“不过其实我自己又冇乜留意（林作的言论），又唔睇呢类型嘅新闻，但最紧要佢哋，就算唔系我，每个人都有好多段感情，呢啲全都系属于我哋每个人嘅记忆，最紧要呢一刻我哋都各自有开心嘅生活或美满感情生活，至于过咗去嘅嘢提唔提，我又觉得冇乜所谓嘅。可能反而你要问番佢哋咁样提（我）有冇Hard feeling，净系提下我个名我就冇乜所谓，反正我而家同佢哋冇乜关系！”

点击下图观看活动情况：