梁芷珮冇得旅行好身痕　爆下辑《潮什么》目的地：出得发就即刻飞

凭旅游节目《潮什么》系列成功入屋的梁芷珮（Christy）今日（24日）到袁学谦（Benedict）新开的饮品店撑场。谈起今年新冠肺炎肆虐，大家都无法去旅行，心里难免有种郁闷的感觉：“睇番相簿发现近5年都未试过呢个月份喺香港，因为暑假欧洲嘅天气系最靓，冇得飞硬系好似好痕咁！”问到怎样止瘾，她就笑言：“Staycation，谂亲子游戏同小朋友玩，令到佢哋好忙，就有返少少旅行感。”

问主持工作为主的Christy收入会否受影响？她就舒一口气道：“好感恩！疫情期间相反地我喺香港接咗唔同工作，收入反而多过之前，可能节目出咗街之后，多咗人认识我，反而多咗广告客户揾我哋一家人拍嘢。”至于早前有网民中伤指Christy老公“靠老婆”，她随即正面还击：“因为唔系真嘅嘢，我不嬲都唔会覆网民负评，但诬蔑我老公就一定要出声，好开心都多人撑我！”

点击图辑睇Christy靓相！！