林作自爆天生是非战斗格 　林妈妈每日提心吊胆：搞到每晚瞓唔到

香港开电视全新风水玄学节目《揾阵》，请来著名堪舆学家苏民峰师傅到访林作家中教大家认识风水。林作透露苏师傅大赞家居财运格局非常好，反而最大问题是桃花位，因为坐落在厕所位置上，桃花运因此而被水冲走。不过林作妈妈反而大感开心：“我一听到师傅咁讲，直头觉得好正，简直解决咗我个问题，冲走鬼晒佢啲唔好嘅桃花，可以帮佢再揾个比较适合佢嘅，最紧要同我倾得埋嘅。”

林作插嘴澄清说：“阿妈嘅睇法同我嘅选择系无关嘅，因为我觉得选择系自己，呢个（指裕美）阿妈唔祝福就冇办法啦，但阿妈唔钟意，我就无谓勉强，我自己知自己认为自己咩系适合自己啰。”林妈妈被问到同裕美的关系时，林妈妈直言：“佢开心就得啦，我唔去干涉佢咁多嘢啦。”

此外，林作亦透露自己天生是非格，反而是非会为自己事业带来好运，而林妈妈坦言是非令她提心吊胆，每日都惊俾人寻仇，“之前佢啲是非好多，紧张到我成晚冇瞓，我话佢唔可以闹人保险狗，事后受到好多人攻击，搞到我瞓唔到，反问佢点算。而佢就安慰我，叫我唔使担心，是非嘅嘢佢话自己承受得到。”林作笑指妈咪开始变得接受，亦变得撩是斗非。