谭炳文设灵｜薛家燕极度伤心：有啲遗憾，去唔到医院向佢问安

谭炳文逝世，今日在红磡世界殡仪馆世界堂设灵，曾经同炳哥合作无间的薛家燕亦到场，炳哥生前亦经常上薛家燕主持的节目《流行经典50周年》，对于炳哥的离世，家燕姐非常伤心，访问时亦哽咽：“知道炳哥走咗，初初真系好唔舍得，但经过呢两个星期，我感觉.....就系......炳哥都可以话系笑丧，同埋佢囡囡同我讲炳哥去得好安详，我只系感到有啲遗憾，自己冇去医院向佢问安，我讲咗好多几次话，我想嚟探你，但因为个疫情，医院都唔俾我哋去，所以我觉得好遗憾，但佢好叫我哋唔驶担心，佢仲好坚强，话自己无事嘅，仲话出返嚟大家再倾偈啦，佢冇话畀我听咩事，佢只系话做检查，佢仲话迟啲同我哋问安，因为佢每日都send 啲讯息俾我哋，我就话唔哂客气，所以𠮶日我哋好突然，好难过，佢个女话我听，我即刻喊，不过我喺到谂，炳哥而家去咗个极乐嘅世界，佢都去得好安详，炳哥喺演艺界贡显好多，佢嘅笑声，同埋独特嘅声音，永远喺我哋心坎里头。”
谭炳文出殡｜致哀花牌满灵堂　李香琴、黑妹李丽霞位置最当眼

场内纪念特刊：