【无线有宝】18岁小鲜肉吴伟豪　求演技进步：日日对镜练戏几个钟

网友经常话TVB来来去去都是那几位男女主角，好像青黄不接，但只要细心看，其实无线都有不少有潜质的新人，尤其处境剧《八时入席》，除了十仔(马贯东饰)、Elsa(简淑儿饰)深得网友欢心外，剧中禾仔(吴伟豪饰)，做King sir个孙，演技自然兼有邻家男孩感觉，在无线来说绝对罕有，不同《一屋老友记》弹起的张彦博，外表后生，实则36岁，吴伟豪今年只得18岁，名副其实的小鲜肉。

17岁入训练班

吴伟豪上年17岁读艺员训练班，出来就拍《八时入席》，还要是连戏角色，不少人觉得他是靠家底及关系有此机会，但吴伟豪表示没有，更很怕别人误会他，他说：“好多人都问系咪靠家底，或者识边个点解一出嚟就有角色做？如果我真系有，我出嚟即做主角啦，我知我起步比人幸运，好感激，但我系经过casting，监制试戏，我由细到大读国际学校，一张白纸入嚟，一个人都唔识，高层更加唔识。”

预挨10年

吴伟豪父母为公务员，由细到大读Island School，但因为好钟意演戏，所以入TVB，他说：“我读到中六，就报名参加艺训班，我由细到大好钟意梁朝伟和周星驰（吴伟豪WhatsApp图像都是《国产零零柒》的周星驰），好想演戏，其实父母都想我完成中七先，但我真系好钟意。佢哋依家都支持我。”

众所周知，在无线上位至少挨10年或以上，吴伟豪现赢在起跑线，但亦预了挨很多年，他说：“如果啲人做一两年就红，之后做主角，好似好难受到其他人尊重，但你见到祥哥（黎耀祥）、毛姐（毛舜筠）同国邦佢哋，人哋好respect佢哋，我谂要做咗10年以上先有呢个效果，我觉得系要挨㗎，挨出嚟嘅人唔同啲。”

日日对镜练戏

吴伟豪外型和口音鬼鬼地，但做戏口音自然，亦没有JM tone，全因他刻苦练习，他说：“因为由细到大返学讲英文多，返到屋企就讲广东话，所以讲嘢唔系好local，我记得有次田蕊妮嚟训练班教我哋做戏，佢叫我哋要对住块镜练，我觉得好有用，所以每次攞到剧本，我都会对住块镜不停做，又会揾部机录低再翻睇，都几个钟㗎，练到ok先停，唔敢懒，因为无做功课佢哋会睇到㗎，会好易濑嘢。”转投韩剧怀抱的，不妨有时间支持一下这位本土小鲜肉。记得是吴伟豪，而不是袁伟豪。