鬼同妳上位｜被网民闹造假？　七仙羽︰所有师傅佢哋都话神棍㗎啦

ViuTV灵探真人骚节目《鬼同妳上位》由火火、吴保锜和风水师七仙羽主持，一班有幕前演出经验但观众未必认得她们的女参赛者以淘汰形式选出冠军，亦可透过灵探比赛，争取更多出镜机会“争上位”！节目播出一星期，有参赛者疑似被鬼上身和撞邪等，有没有成功上位就未知，不过节目就令七仙羽师傅人气急升，大受网民欢迎。

点击下图重温︰

七仙羽师傅在节目中mean爆女参赛者，例如爆粗指她们很闷，又直指柔柔（陈丽柔）会被男人欺负，和ToTo（汤沛宜）赚钱辛苦，更令对方哭起来。虽然七师傅说话直接完全不修饰，但她不标准的广东话和mean爆风格却令她比女参赛者们更快上位，网民纷纷在讨论区留言指︰“呢个师傅好好笑”、“七师傅正啊”、“有呢位师傅似笑片多过恐怖片”、“佢开栋笃笑应该好好睇”、“七仙羽fans留名区”、“七师傅正过哂佢地（哋）”、“七师傅语出惊人”、“我爱主持同cfu”、“七师傅系冷脸笑匠黎”、“最后得cfu上位”等等，海量留言撑七师傅。其实七师傅曾在外国留学，硕士毕业，曾任职记者工作等，现从事身心灵教学丶电视节目主持工作，同时又是畅销小说作家、专栏作家，有中医师资格和自然疗法医师资格等等，涉猎甚广。

点击下图重温ToTo撞邪片段︰

不过，不是人人喜欢这种主持风格，而七师傅也在Facebook专页回应不同的提问。《香港01》记者访问了七师傅，她强调制作组非常认真，并没有“造假”，对于网民指“鬼上身”等情况太假，她说︰“我哋系冇对白，之前系唔知发生咩事，大家都唔知㗎，我哋都系去到现场自己执生㗎咋，譬如啲人话‘好假，系咪设计㗎？’绝对唔系，因为我系一个修行人，系一个拜佛人，我唔会讲大话㗎，好似ToTo𠮶日鬼上身，佢当时系情绪有波动，唔开心，加上附近真系好多好多鬼。”另外，她指当时有招灵，所以灵愈招愈多，当时的情况都是真实没有“造假”的。例如ToTo当时好大力打她，七师傅说︰“同埋有男人嘅声，佢打我𠮶时，有个鬼影飘出嚟，好多人都见到，保锜都听到男人声。”

点击下图看七师傅的回应︰

七师傅又直言，有时会感到愤怒，她说︰“点解我有时系好嬲啲女仔？因为我觉得你哋参加呢啲比赛，你都知道要拍啲乜嘢，要有个心理准备，点解你拍呢个节目𠮶时你要扭扭拧拧，又话‘唔得㗎，我唔可以呢样，点解我要咁样’，好多问题，烦到不得了，点解我哋每日拍到通宵咁长时间，大部分时间都系啲女仔扭扭拧拧，呢样唔得𠮶样唔得好烦㗎！”另外，对于网民骂她“神棍”，她表示︰“其实所有师傅，佢哋都话系神棍㗎啦，所以我唔介意，我自己做啲乜嘢我最清楚，同埋好多时啲穷人我都系唔收钱。”平时她又会做很多善事积功德。她明白香港人压力大，“因为好多人冇嘢做，生意又唔好，疫情又唔知几时完，本身香港人精神有问题好多，心理有问题又好多”，所以如果可以带给大家欢乐，即使最后出来的效果变成了搞笑，她也不介意，“总之我带畀大家欢乐，令到香港人轻轻松松睇一套剧，佢哋闹我又好，日日喺网上诋毁我都好，冇问题！”

点击下图看看更多参赛者的靓相︰

至于网民指七师傅说话太mean，她回应道︰“唔系mean，因为本身我喺外国住嘅时间比较长，生活习惯比较直接，唔会兜兜转转。我唔系话要搞笑，但系因为我嘅表现出嚟，我讲嘢又系‘甩甩咳咳’，加上我讲嘢比较真比较直，变成啲人觉得我系讲笑，其实你见我系好认真做嘢嘅，但每一次出咗嚟都变成一个笑片，但系我事实系专业。”不过她明白一切都是商业考虑，她直言︰“我估ViuTV都想有少少幽默轻松啲嘅感觉，讲真𠮶班女仔系好闷，如果咁闷，剪都咁闷呢，呢套片就冇得睇㗎啦。无论ViuTV点剪，我都觉得啱，因为佢个节目要收视，佢个节目要有趣。”她又指现在全城都在追看节目︰“其他台、三色台𠮶啲明星个个都睇啊，我啲朋友系导演、明星都睇。个个都疯狂（睇）啊，我哋冇人预料得到会发生咁样嘅嘢。”

而她也希望跟网民说︰“如果佢话呢啲片好好笑，冇问题，大家开心就得㗎啦，如果大家唔开心，都唔好闹，唔好犯呢个口孽，因为佢不停闹，呢个因果嘅孽，佢要孭㗎，所以我唔想啲人因为咁样，令到佢未来种咗一个唔好嘅因果。如果唔钟意我可以唔睇，但都唔好闹‘傻婆’、‘白痴’、‘冇料到’。”

以下是参赛者的照片︰