【晚吹】港产伪娘学化妆推淋巴　现身自爆：返屋企前会抹晒啲妆

ViuTV最新一集《晚吹-又要威又要戴头盔》请嚟三位伪娘做嘉宾，当中嘅晴晴同MC其实早已接受过唔少媒体访问，而小倩就透露大概两年前开始成为伪娘，而为咗做伪娘，佢仲特地去“性别空间”学习化妆、线声使用技巧。节目中，小倩因为有一把长长秀发，加上十分女性化嘅性线，所以其实都几女生，但佢就话为咗应付亲戚朋友，所以而家都会着男装衫出席某啲场合。

至于MC点解会成为伪娘，佢就当初喺时装店打工时，由于身型娇小，所以老板提议佢以女装上阵，甚至教埋佢化妆，就系咁，令MC觉得原来女装系好适合自己。问到如今会否十分抗拒男装打扮，MC表示：“同屋企人住先，返屋企前会抹晒啲妆，连化妆品都要叫朋友帮手买。对住屋企人讲嘢把声要低音，尽量喺少讲嘢，其实系好抑压。”

为咗成为伪娘，晴晴表示先后跟过五位化妆师学化妆，佢仲话底妆同眼妆系最重要。问到点解决须根呢个问题，晴晴话化妆前一刻先会剃，仲自豪地表示可以挨到十几小时。而小倩同MC就索性买雷射脱毛机，一星期一次，完全无烦恼。另外，小倩仲会去推淋巴令自己更为女性化。“其实言行举止都好重要，讲嘢唔可以大声，同埋行路都内八字。”