王敏奕签约星梦做歌手：身边所有朋友都好惊讶！
撰文： 赖家杰
出版：更新：
艺人王敏奕（Venus）今天（16日）宣布加盟星梦娱乐做歌手，相信读者都会很怀疑她不是演员来的吗？连Venus本人也不太相信，以为星梦娱乐老板何哲图当初找她是开玩笑，她说：“我啱啱拍完《刑侦日记》所以多咗时间喺TVB，同佢倾倾下佢问我有冇兴趣唱埋歌，话试下歌影视一齐发展，我未试过有人问我呢个问题，发现原来畀人问嘅时候会觉得都OK呀，不如试下，都系一个新尝试，希望会做得好。”
但大部份观众也未曾听过Venus唱歌，也不知道她会唱歌，Venus笑言是惊喜：“我身边所有朋友都好惊讶，只有我妈妈唔觉得惊讶。我谂演员道路上我投放咗好多时间，我冇谂过发展音乐事业，依家有人掘出嚟都几好。我有学紧唱歌同练返琴，琴就练到六级。”
新加入公司，何哲图当然要对Venus疼爱有加，Venus说：“老板讲咗已经拣咗歌，会入录音室，所以不久将来就会有歌。（谂住唱歌方面会行到几远？）我谂同演员一样，有机会我会突破自己去尝试，不断进步有新尝试。”
在选择做歌手前，当然一定会与先生曾国祥商讨，Venus说：“佢第一下知道佢同我反应一样何哲图系咪认真，之后佢反应就叫我试下，佢都见到我对呢件事好开心好雀跃，所以好支持。（生B大计要延迟）我谂我哋系呢方面有共识，事业对我哋嚟讲系必要，所以冇话谂过要停一停做其他嘢。”
点击睇更多Venus靓相！
+7
点击睇更多王敏奕靓相：
+14