88岁胡枫患黄斑病变：发现自己睇嘢歪歪曲曲！

88岁的胡枫一向健康又精灵 ,但周三(9月16日)出席活动“香港眼科学会单眼检查大行动”时,却透露自己原来患上黄斑病变 ,令视力大打折扣，要接受手术治疗，“我发现自己睇嘢歪歪曲曲，其实我都唔记得几耐，咁样就系有黄斑病变，呢种病有分湿同干，干都OK，但湿可以致盲，不过唔理佢的话，干又可以变湿，多数都系上咗年纪嘅人患上。”

修哥视力出现问题，幸好他表示身健检查报告显示“十分靓仔”，修哥笑说：“系听觉有少少问题，最好就戴耳机啦，不过我又唔系好习惯戴，所以就要好留神，不过冇办法，年纪大咗就系咁。所以最紧要多做运动！”对于下年即将举行的演唱会，修哥则表示未有太多计划：“因为我张人情咭已经碌到爆晒，连张咭都唔见埋咁滞，所以暂时冇谂呢个问题啰！不过若果我休息就唔系几好现象啦，所以我系永不言休嘅！”