简淑儿承认与前度男友复合　曾分开一年：觉得可以试多次

继“3日2夜”女神陈婉衡今年8月自爆恋情，好姊妹简淑儿（Jessica）近日又被影到孖住前度男友高调拖手买𩠌玩煮饭仔，事后Jessica亦大方承认恋情，又一女神封盘！

正忙于拍摄新剧《智能爱(AI)人》的Jessica日前素颜上阵孖住男友到超市入货，二人不时有讲有笑，相当甜蜜。Jessica曾接受《香港01》访问时讲过爱情路上遇挫折，坦言不再相信承诺：“而家嘅我已经唔信拍拖，已经唔相信承诺呢样嘢，因为好多都系随口讲吓就算，一齐又系散，做咩要咁辛苦，分开又咁伤心，所以唔好特别去追求，缘份要嚟就嚟，冇嘅话，逼就会分开，仲痛。（点解咁讲？）之后个男朋友一开始又话接受到我做呢行，但之后又介意，变咗好辛苦。（介意啲咩？）介意好多时间做紧嘢听唔到电话，佢就会怀疑，可能（拍摄）有啲亲密拖吓手揽吓，又会呷醋，其实你咁样即系逼紧我拣，好难受啰个感觉。嚟紧就希望……你真系接受得到先大家一齐了解大家。”

对于今次恋情，Jessica笑言：“哈哈，又唔洗恭喜，都冇咩特别嘅，始终佢系圈外人，大家都想尽量低调啲。唔系特别要公开，咁影到又唔会唔认嘅。因为之前都分开过，一齐返冇几耐，依家都系大家以工作为先，唔想放咁多焦点落去。”她又续说：“分开咗一年，其实大家都见咗好多嘢，之前因为性格唔夹，所以分开，今次一齐返发现大家都有转变，所以觉得可以试多次。”看来，Jessica已成功走出爱情阴霾，重新出发，祝福满满！

更多陈婉衡Fit爆身材相：

同场加映：细数娱乐圈20段亲戚关系图　夏韶声竟系廖碧儿70%舅父？