我男友系好差｜才子陶杰解释戏名“差”字唔系歧视：系亲切嘅称呼

才子陶杰今日（10/09）出席电影《我男友系好“差”》（My Indian Boyfriend）记者会。他接受《香港01》访问时，表示两年前就已听闻印度导演Sri Kishore（姬思礼）筹备拍摄这套电影。

他说：“𠮶时听到佢要拍呢套港产，就当然开心，因为香港系一个国际都市，亦都有数以万计南亚族，佢哋系香港人，亦都讲流利广东话，但系佢哋声音、权益，一路都受到漠视，或者有偏视。我一早都有呢个谂法，点解港女唔可以同一个印度、巴基斯坦嘅香港仔拍拖？”

他续说，觉得世界各地对其他民族都十分包容，但香港人却经常歧视其他肤色的人。对于早前戏名中称呼“差”被说是歧视，他却有另一番看法：“我哋成日叫‘阿差’、‘黑鬼’，其实喺广东文化入面，呢种称呼唔一定系歧视，例如单眼佬或者大鼻佬，呢种用身体特征去称呼，其实系亲切嘅，唔一定系种族歧视，但系如果见到‘黑鬼’就唔做佢生意，呢啲先系歧视。”

他也寄语，希望这套电影能够成功，他说：“佢成功，就系香港嘅成功。将香港呢个处境带畀世界睇，文化都系一个（电影）尚待发掘嘅方向，唔一定系政治社运。”