我要做业主｜凶宅大王伍冠流曾投资逾200单位　堪舆学家解构凶宅

由胡诺言、林秀怡、彭慧中主持的无线（TVB）节目《我要做业主》最新一集就请来有另类物业投资者，有“凶宅大王”之称的资深投资者伍冠流分享投资经验。

一般人听见“凶宅”二字，通常会避之唯恐不及，但对于香港“凶宅大王”伍冠流来说，凶宅并不可怕，只要冲破恐惧，凶宅投资利润相当丰厚，是个值得投资的商机。伍冠流多年来买卖多达200间凶宅，绝大部份都有钱赚。不过，他就慨叹近年供应断层，凶宅都被抢到贵一贵，相比起同类型物业只差一至三成左右：“早廿年前都起码有7折，有时6折甚至5折都买到。（啲人唔惊凶宅？）折扣大就克服到恐惧，于是就会买。呢个世界咩鬼都有，但都唔够我呢个穷鬼恶。”

对于近年凶宅即使只打9折依然有不少人入手，伍冠流称：“唔介意嘅人多咗，变咗竞争又多咗，真系要去到9折先买得到。（9折系呢个时势都吸引？）唔吸引，要7折先至得，因为仲要畀百分之15印花税，7折买到等于85折买到。（年轻人买另类物业会唔会容易啲上车？）过咗心理𠮶一关，系值得买。睇下佢系点样嘅凶，自杀、跳楼或者烧炭？最唔好就系谋杀，最紧要睇人哋听到觉得呢种凶嘅情形，恐惧愈少就愈好。”

点撃下图睇更多节目内容！

节目更请来堪舆学家杨皓云师傅为大家解构凶宅，当中就讲到凶宅三级制：“第一级凶宅例如有意外失足堕楼同生老病死，其实呢啲唔算系凶宅，道教上称之为阳寿已尽，死者死后都未必会逗留喺凶案现场，阴气唔会重。第二级例如系跳楼同吊颈，大部份死者都系有目的而死，死后会会揾冤亲债主，呢啲屋相对嚟讲都会麻烦少少，但都唔使惊，因为阴气都唔算太多。最严重系第三级凶宅，由于死者系枉死，怨气比较深，会一直阴魂不散唔走，要请返专业嘅道教师傅做法事，超度亡魂，同埋要做大装修，送一送走啲杀气，入住之后都要成日拉开窗帘等光线长期投入，空气流通，阴魂先会慢慢消散。”

至于凶宅在银行能否估价，经络按揭转介首席副总裁曹德明就解释：“要睇凶嘅程度有几大，一般都估到价大慨系7至8折之间。（借唔借到按揭？）唔系间间银行做，系有个别银行熟悉程序先做，有啲极凶嘅凶宅，基本上冇银行做，网上做估价基本上出唔到，呢啲就要小心。”

点撃下图睇埋杨潮凯和胡诺言的投资心得精华版！

同场加映：9位“第三者”曾破坏别人幸福　近况曝光有人升呢做阔太

点撃下图睇当年“第三者”近况！