过街英雄｜郭少芸曾担心约满离巢　顺利续约开拍《儿科医生》

在TVB剧集《过街英雄》中饰演花姐的郭少芸，入行28年以来演过不少为人熟悉的角色，当中就以“恶女人”最令人印象深刻。虽然今年年初曾传出郭少芸约满在即，随时离巢的消息，令不少粉丝大感惋惜，但原来她已经顺利续约，近期更密密拍摄新剧《儿科医生》，与郑嘉颖、罗仲谦都有不少对手戏！

点击下图重温精彩演出：

郭少芸有份演出的《丫鬟大联盟》及《大酱园》在今年年初相继播出，当时她曾指所有存货播完，通常代表无线不想再与演员续约，更透露不想离开TVB：“因为TVB始终系我嘅根，我对演戏𠮶种Passion（热情）都仲喺度，而且我心愿未了。（咩心愿？）我觉得自己欠自己一个奖。”而郭少芸在接受《香港01》访问时亦表示已经顺利续约：“好快艺员科已经联络咗我喇，而家同TVB嘅合作形式就系部头合约，相对嚟讲个自由度系大啲嘅，好开心啦，奖项𠮶啲唔讲、唔谂，随缘啦。”

日前郭少芸就正式开拍新剧《儿科医生》，饰演一位麻醉科高级医生，更是她首次着医生袍拍剧：“好有挑战性呀，需要做多啲准备，因为好多病嘅名称、好多台词要记，兼且大部分都系英文，仲要入手术室，感觉好唔同，整个手术过程讲嘅嘢好多都系英文，都考你讲得好唔好。”

郭少芸曾在剧集《法证先锋》及《珠光宝气》中与钟嘉欣合作，如今见到对方已为人母，而另外两位拍档嘉颖同谦仔亦已经升格做爸爸，她都好感慨，更表示大家合作过程好开心：“初步开咗几日工都几满意，大家都好专业好认真，呢种工作气氛好正，我好期待迟啲开手术室（戏）。剧组资源都好好，畀咗几次Workshop（研习会）我哋学习下，有医生同我哋解说下，各方面Backup都好好，纵使角色好有挑战但我唔惊，因为自己花咗好多时间（准备），公司都提供好多Support畀我哋。希望今次会带畀观众新嘅体验，郭少芸做一个医生，大家都会期待呢个角色。”