李佳芯首次拍外判剧演机械人：时间冇咁长,每日14小时

李佳芯（Ali）主演的剧集《智能爱（AI）人》今天（25日）举行拜神仪式。这次Ali在剧中饰演一名智能机械人，“今次有啲难度，就算睇咗剧本，都唔容易演，因为你要做到一个令人说服到嘅机械人，所以要好机械，但又要有人性。好多好细微嘢要做到好好，对我嚟讲好大挑战。”

Ali透露当初收到剧本时候都已经感觉新鲜：“演员就系咁，做啲从未做过嘅角色。睇完剧本都觉得好完整嘅一个故事，所以都想做好佢。（所以有压力？）我依家俾多啲压力自己，因为我做得越仔细，到我拍摄个阵就越轻松。”

Ali对自己这部剧集不敢有太大的期望，但视为一次大挑战，“今次好多嘢都第一次，第一次拍外判剧同埋第一次挑战机械人，所有嘢对我有挑战性。依家外判剧都系外景，同埋幕后都系外边工作人员，工作时间都冇咁长，每日12-14小时，休息真系好紧要。”

事隔一年再接剧拍摄，Ali直言要重拾演戏的心态：“我之前要出书，心态变咗作家，模式我要返转头，因为之后多数折埋自己。依家拍返剧要同人接触，要进入角色，要调节返好工作节奏。”